Шик-елеганцијата на Ема Вотсон на премиерите на „Ное“

Една од најубаво облечените млади актерки, Ема Вотсон, континуирано одушевува со својот урбан, шик изглед на црвениот килим. Додека многу нејзини врснички, музички и актерски ѕврзди, претеруваат со разголување или се облекуваат како возрасни дами, таа без отстапки успева да ги погоди креации. Тие не само што ѝ прилегаат на ставата, туку и на возраста и на актуелните модни трендови.

Деновиве блесна на црвениот килим на премиерите на нејзиниот нов филм, „Ное“, во режија на Дарен Аронофски, со Расел Кроу и Џенифер Конели во главните улоги. Ема за овие пригоди избора модели со црна основа. Креациите се елегантни и модерни, и покажуваат како треба да изгледа една млада девојка на црвениот килим.

На премиерата во Њујорк, вчеравечер, ѕвездата на серијалот за Хари Потер одушеви со раскошна црна креација со потпис на Оскар де ла Рента. Посебно внимание предизвика разголениот грб.  Стајлингот беше финализиран со златна клач чанта и темносини чевли со шпицест врв. Покрај изборот на овие класични елементи, меѓу кои и романтична фризура и црвен кармин,  кои потсетуваат на стариот холивудски гламур, таа вметнала и мал рокерски шмек во изгледот, со темниот лак на нокти и дијамантската обетка за околу цело уво.

Дваесет и тригодишната британска актерка во шоуто The Late Show With David Letterman носеше женска варијантана на класичен црн машки костум. Струкираното палто и молив-панталоните ги споила со базична бела кошула, аизгледот го заокружила со дискретни детали: црни чевли и сребрена клач чанта. Ема вака облечена, изгледаше свежо и ведро, и покрај крутоста што ја носи овој бизнис-изглед.

На премиерата во Мадрид, Шпанија на филмот во понеделникот, таа носеше црни панталони и бело-црна натресита блуза со длабок преклоп на предниот дел. Повторно деталите се минималистички, освен една поголема златна алка. Тука има и мала игра со фризурата, собрана на седната страна со шноли. И на другите промотивни настани таа носеше црни модели или креаци со потемни нијанси. Косата секогаш е природна или минмално собрана, а шминката е со нежен тон на свеченост. На премиерата во Берлин, носеше темносин фустан, обвиткан со црна тенка тантела, а коста ѝ беше исчешлана наназад, што му даде мал панк-момент на имиџот.