Фондацијата на Катарина Ивановска ќе им помага на децата

Фото: Stylist.mk

По пример на светските топ-модели, најуспешната македонска манекенка со интернационална кариера, Катарина Ивановска, денеска во кафулето „Концепт 37“ ја промовира својата добротворна фондација. Оваа 25-годишна девојка, која го прошета светот со многуте модни ангажмани, одлучи во својата земја да се посвети на хумана работа. „Катарина Ивановска Фондација“ ќе работи и делува за поддршка во процесот на лекување на децата од социјално загрозените семејства во Македонија. Токму оваа група на деца е предмет на работењето на оваа фондација која има за цел да помогне во директно или индиректно решавање на нивните проблеми.

Фото: Stylist.mk

На денешната средба со новинарите, Катарина изгледаше призејмено и едноставно , облечена само во фармерки, балетанки и маичка по куси ракави -со нејзин потпис, на кратко ги најави плановитеи целите на фондацијата.
-Желбата за помош и поддршка на дечињата од социјално загрозените семејства ја носам во себе долго време и таа ме поттикна да го реализирам овој проект -да формирам сопствена фондација. Моите соништа да станам успешна во тоа што работам се остварија. Токму затоа , сега, кога е момент да уживам во она што го содздадов и имам 25 години, одлучив дел од сопственото време да го посветам на филантропски активности од ваков тип. Сè работам со огромна љубов и секогаш пронаоѓам начин преку иновативни идеи да ги реализирам зацртаните цели. Оттука верувам дека со посветена работа ќе успеам да им помогнам на тие семејства. Длабоко сум уверена дека оваа моја иницијатива ќе ја препознаат сите добри и хумани луѓе, деловното опкружување и институциите во Р. Македонија-изјави Катарина.

Фото: Stylist.mk

Таа ја најави и своата прва колекција на маици под брендот „Парго“. Дел од оваа колекија, потпишана од Ивановска, ќе биде пласирана за продажба од мај во скопските локали „Концепт37“ и „Калдрма“, по симболична цена од  690. Истовремено маиците ќе бидат достапни на Скопскиот маратон, што ќе се одржи на 11 мај. Средствата од хуманитарната продажба на маиците ќе бидат намнети за целите на „Катарина Ивановска Фондација“.

Фото: Stylist.mk