Одборот за буџет на италијанскиот Сенат пред самиот крај на 2021 година изгласа амандман за затворање на преостанатите десет италијанските фирми за нерц, во следните шест месеци трајно ќе се забрани одгледување на животни наменети за крзно. Организацијата Human Society Internationаl Europe во Италија ја поздрави историската победа, после повеќе дискусии во кои претстави практично решение за затворање на злогласните фарми за крзно и претворање на истите во алтернативни и одржливи компании.
Со ова Италија ќе биде 16-та земја која ќе забрани одгледување на животни за крзно, па така ќе биде забрането одгледувањето на ракуни, куни, чинчили и лисици, а сите фарми во Италија ќе бидат затворени со крајот на јуни годинава.
Државата сепак ќе се погрижи за одгледувачите и ќе им додели три милиони евра за полесна транзиција на нивните компании.
Да потсетиме дека големите италијански модни куќи како што се Версаче, Гучи, Валентино, Прада и Армани забранија употреба на крзно во своите модни колекции на облека и обувки. Исто така, од следното издание на Миланската модна недела нема да се дозволи учество на брендови и дизајнери кои користат крзно.
Керинг, еден од најголемите луксузни модни конгломерати и матична компанија на многу познати луксузни брендови – вклучувајќи ги Гучи, Сен Лоран, Александар Меквин, Баленсијага, Ботега Венета и Бриони, објави политика без крзно, како и Canadа Goose, Валентино, Оскар де ла Рента, Тори Бурч и други брендови. Францускиот луксузен бренд Chloé исто така ја објави својата забрана за крзно, егзотични кожи и ангора.
Израел минатата година стана првата земја која забрани и продажба на крзно. Светот се фокусира на хуман и повеќе еколошки начин на живеење, а на модниот пазар може да се најде вештачко крзно кое изгледа како да е вистинско.
Нема коментари