Под називот „Во женски клуч“, македонската дизајнерка на модни додатоци Емилија Дамјановиќ, утре во 21 часот ќе изложи колажи и концептуален накит во просториите на урбаното кафуле „Концепт 37“. Изложбата ќе ја отвори антропологот и уметник, Иванка Апостолова, а за добрата забава ќе се погрижи диџеј Anna Twin. Колекцијата на Дамјановиќ, која создава под името Еми Норис е инспирирана од психологијата на современата жена, нејзиниот интимен свет, општествените улоги и личните слободи и ограничувања. Во линијата доминираат форми на пеперутки од плексиглас, метал , дрво, огледален плексиглас и кожа кои се поврзани со синџири. Пеперутките се со различни притови со капки вода, коса, крзно, пена, кафе, јаготки и вода. Има понудено ѓердани и сет од ѓердан со една обетка.
Фото: Stylist.mk
Еми Норис неодмана беше дел од изожбата на списанието „Теа модерна“, отворена во „Сушико“ за време на Модниот викенд-Скопје. Подоцна, кога случувањата на манифестацијата се преселија во „Ауди-Порше Македонија“ , таму беше и поставен накиот на Дамјановиќ. Посетителите имаа можност да ги погледнат новите парчиња и да разговараат со дизајнерката. Еден од нејзините ѓердани беше дел од стајлингот на една од основачките на Stylist.mk, Снежана Јаначковска Богдановска.
Фото: Stylist.mk
Емилија има дипломирано на факултетот за Музички уметности и работи како професор по музичко образование. Вели дека има потреба креативно да се изразувам преку музика и дизајнот и тоа ја исполнува. Модата ѝ е голема пасија. Вели дека преку неа најдобро го изразува она што го носи во себе, како идеја и естетика. Една година учела моден дизајн кај Никола Ефтимов и по завршувањето се посвети на визуелно истражување на тема жена и современите контексти во кои таа се наоѓа.
Фото: Stylist.mk
Со дизајн на накит се занимава четири години. Најчесто при творењето ја инспирираат луѓето, патувањата, културата, новите доживувања, модата и музиката. Беше дел од работилницата за современ накит во рамките на проектот за развој на креативните индустрии на Министерството за култура во соработка со „Паблик рум“, на Недела на дијнот во Скопје, а ејзините колажи и модни додатоци досега беа претставени на неколку групни изложби. Во 2008 година имаше самостојна изложба. Во мали формати беа презентирани и надвор од земјава (САД, Шведска и сл.) Има учествувано и на „Миксер дизајн фестивал“ во Белград, Недела на дизајн Софија и Дан-Д во Загреб…(А.Н.)
Нема коментари