Актерката Џесика Бил во магазинот Domaine Home ги откри своите идеи за совршен зимски дом и просторија со новогодишна атмосфера. Во уредувањето на оваа соба од соништата таа почна со создавање колаж од избрани инспиративни слики – старински порцелан, тивки англиски градини, раскошни венци од зеленило, драматични вечерни фустани, лампиони од месинг, хартија за виткање подароци, позлатени рамки… Заедно со уредниците на Domaine Home, Есте Стенли и Мат Сандерс, таа своите идеи ги инкорпорира во удобен и елегантен ентериер кој е идеален за уживање со пријателите и семејството, отворање на божикни подароци и вечери поминати со домашно варено вино.
Џесика сакаше просторот да го рефлектира нејзиниот стил – лежерен и елегантен, со изразенo почитување на убавите нешта. Во собата треба да се чувствува домашна атмосфера, но и да постои доза на драматичност и ексцентричност. Централно место во собата на Бил зазема црно-белиот тросед кој одлично одговара со елката инспирирана од Коко Шанел и украсена со бисери, црни ленти и кожени бели цветови. Модерната фотелја внесува доволна доза на сезонска боја и е добро избалансирана со елегантното зеленило. Вистински елемент на изненадување е масичката од необработен камен која се потпира на два купа книги од областа на модата, со што всушност Џесика каменот го претворила во модерно парче мебел.
Елка инспирирана од Коко Шанел
Сакате домот да потсетува на Камелот!? Закачете таписерија на ѕид!
Во уредувањето на Џесика и’ помогнаа уредниците на Domaine Home
„Кога го уредувате просторот, употребете шари во комплементарни бои“, предлага Џесика
Собата накитете ја со неколку зелени венци
Црвена боја за божикна атмосфера
Џесика советува да обрнете внимание и на пакувањето на подароците
Нема коментари