Дизајнерката Јована Филиповиќ претстави ресорт колекција, инспирирана од идејата за слобода и и поттикната од „спасувањето“ на познатиот Споменик на слободата во Кочани, дело на академскиот сликар Глигор Чемерски и архитектот Радован Раѓеновиќ. Поттикната и од книгата на Елена Чемерска – Споменик на слободата – Разговорник (издание на Private Print), таа ја поддржува желбата на Чемерска, ќерката на славниот сликар, споменикот да се спаси и обнови.
Елена Чемерска е автор на повеќегодишниот мултидисиплинарен уметнички проект „Татковина – Споменик на слободата“, чија цел е повторно освојување и населување на овој простор на слободата и негова долгорочна ревитализација. Дизајнерката
Филиповиќ сакајќи да ѝ помогне на Елена во нејзината „борба“ за оживување и обновување на споменикот, 5% од продажбата на колекцијата Ресорт 2022 ќе одвои за негова реставрација. Филиповиќ се надева дека „оваа соработка ќе покрене волја и поголема колективна свест, посебно пред големите институции кои се потребни за неговото возобновување“.
Колекцијата Ресорт 2021 на Јована ги носи боите на споменикот (црвена, портокалова, сина од мозаиците на Чемерски), ја носи формата на овој монументален споменичен комплекс, ја носи и приказната на авторите.
-Изгледи кои иако се „слободни“, суптилни и навидум меки, имаат движење, енергија и пренесуваат силна порака. „Лесни“ се за носење и комбинирање што му дава поголема имагинација на носителот да ги комбинира и спојува истите и да им пренесе дел од себе – вели Јована за креаиите и „слободата“ во нивното комбинирање.
Во овие креации на Јована „скриени“ се принтови – скици на Чемерски направени додека работел на Споменикот на слободата.
Модел: Викторија Ристовска
Фотограф: Антонио Станков
Надворешен соработник: Елена Чемерска
Шминка и фризура: Ла Сенса
Асистент дизајнер: Марјан Бебекоски
Нема коментари