По промоција на првиот парфем со потпис на македонски дизајнер, Аctress, развој на премиум-моделите со ткаенини од „Валентино“ и од „Унгаро“, и посебна линија венчаници за 2014, креаторката Тања Кокев ја продолжува серија на амбициозни проекти, најавувајќи ја својата прва колекција со секојдневна облека. Ready to wear – линијата ќе биде за сезоната есен-зима 2014/15 .
-Идејата за овој проект се развива повеќе од шест месеци, и сè уште не е сè завршено. Едноставно, знаев дека мора да се заокружи идејата и дека следниот чекор мора да биде ready to wear , и полека „Кокев“ да ја заслужи именката модна куќа. Идејата, не е само поради таа целина, секако мислам дека на нашиот пазар му треба дизајнерски шмек, да се разбие малку униформираноста која постои и да ги видиме нашите девојки во нешто поразлично и пооргинално и најбитно од сè, да се понудат парчиња облека со беспрекорен квалитет во однос на ткаенините… Во споредба со другите мои линии оваа ќе се разликува по тоа што моделите нема да бидат по нарачка, туку ќе бидат со сериско производство, готови и достапни на клиентите кога ќе посакаат да ги купат – вели Кокев.
Во ready to wear колекцијата ќе бида задржан препознатливиот стил на „Кокев“, со романтична и винтиџ-нишка, но ќе биде доста поразлична, бидејќи станува збор за една мошне строга линија во однос на кројот, строгост која дури плени со сите карактеристики на острина, минилмализам и помалку контраверзност.
-Ќе има две линии во рамки на „Кокев“ RTW, едната е стандард и една премиум, која ќе биде изработена од матријали кои во своите колекции ги користат најголемите модни куќи како „Валентино“, „Ели Саб“, „Диор“, „Шанел“ итн. Ќе има, секако, и линија која ќе биде „Кокев“, со сопствени принтови и ткаенини. Имаме и конкретно име со кого ќе соработуваме, но ќе го откријам подоцна… Како што налагаат светските трендови, и јас на време ја најавувам колекцијата, неколку месеци однапред . Но сепак, кај нас нема логика ревијата да биде шест месеци порано и затоа ќе ја направиме пред лансирањето на ready to wear моделите во продавница. Значи некаде во септември. За почеток почнувам со пласман само во Скопје, но идејата е да не останеме само на овој пазар. Ќе одам полека, колку тоа го дозволуваат условите и финасиите можности, според бараноста на пазарот- објаснува Тања.
Колоритот за колекцијата Кокев го избрала водејќи се по боите кои ги предлагаат водечките носители на овој бизнис во Европа: крем, жолта,шеќерно розова, неколку нијанси на сина исива, зелена и бела.
Можеби ќе Ве интересира
Нема коментари