Колекцијата Magda Butrym x H&M лансирана со гламурозен настан исполнет со цвеќиња во Њујорк, на кој присуствуваа и Iris Law, Nara Smith, Irina Shayk, Amelia Gray и Chloe Sevigny
Розата, карактеристичен симбол на стилот на дизајнерката Магда Бутрим, е во срцето на нејзината колекција за H&M. Во чест на оваа долгоочекувана соработка, дизајнерката и H&M го трансформираа иконскиот One Hanson Place во Бруклин во прекрасен простор исполнет со цвеќиња.
Меѓу гостите беа и Ајрис Ло, Мара Смит, Ирина Шајк, Амелија Греј, Валентина Сампајо и Клое Севињи, кои потонаа во бајковитата атмосфера опкружена со импресивни цветни инсталации, а величествениот простор беше претворен во прекрасна градина со рози.
Вечерта вклучуваше настани на Charlotte Lawrence и Kelela, како и диџеи сетови на Soo Joo и Fifi. Charlotte Lawrence воодушеви во долг сребрен фустан од колекцијата, надополнет со блескави обетки и чевли со нежен детал на потпетицата. Kelela избра црн фустан во растеглив материјал со розов акцент на деколтето и обетки во облик на цвет, украсени со кристали – дизајн со потпис на Магда Бутрим, исто така присутен во оваа колекција. Soo Joo се одлучи за широки фармерки во комбинација со тексас корсет и печатена свилена марама врзана околу нејзината глава. Fifi се појави во нежен розов топ со прерамки во комбинација со црни елегантни панталони и ниски потпетици.
За да се нагласи поврзаноста на Магда со инспиративните жени и нејзината потрага да создаде безвременски дизајни кои ја нагласуваат женственоста, колекцијата не беше претставена на традиционална модна писта, туку оживеа преку самите гости. Нара Смит носеше еден од главните модели во колекцијата, краток црвен фустан со карнери што потсетува на букет рози. Ирина Шајк беше облечена во елегантна црна јакна со чиста линија. Амелија Греј избра црн горен дел од растеглив материјал со впечатлив детаљ на јаката, споен со долго здолниште во ист стил. Валентина Сампајо носеше впечатлив коѓен мантил во бордо боја, а Клое Севињи избра еластичен мини фустан со култниот принт на рози од колекцијата.
Настанот и соработката јасно ја изразуваат длабоката поврзаност на Магда со нејзините корени. Секоја облека од колекцијата носи отпечаток на нејзиниот словенски дух, давајќи им на моделите автентичност и нежна романса.
-Беше голема чест да ја видам колекцијата што ја носат толку многу неверојатни жени вечерва. Отсекогаш сум била инспирирана од силната и самоуверена жена, а вечерва беше посебна прослава токму за тоа изјави Магда Бутрим.
-Розата е главниот мотив во колекцијата Magda Butrym x H&M, па беше инспиративно да се види нејзиниот расцут вечерва во Бруклин. Колекцијата на Магда е олицетворение на поезијата и романтиката, а настанот совршено го долови тој нежен дух – вели Ен-Софи Јохансон од H&M.
Колекцијата Magda Butrym x H&M започнува со продажба на 24 април, онлајн на hm.com.
Нема коментари