Летото е идеално за впечатливи бои, дизајни и шари. Оваа година речиси во сите колекции доминира т.н. „гингам“ шара. Станува збор за ситни каро дезени, кои се едни од најзастапените на профилите на влијатлните блогерки и трендсетерки на Инстаграм. Доминираат комбинациите на бели коцки со црни, црвени, светло или темносини. Најчесто се комбинираат со џинс (фармерки, здолништа, шорцеви или јакни), со еднобојни бели или црни парчиња, а посмелите прават спој со цветен дезен, со пруги или со модел со крупен каро-принт. Оваа ретро шара е застапена во летните колекции на брендовите за секојдневна достапна мода, а веќе пишувавме за доминацијата на здолништата со гингам шарата од „Манго“ и „Зара“ кои се хит на соцојалните мрежи. Изберете интересен топ, кој ќе го комбинирате со шорцеви, широки долги панталони или здолништа или со фармерки. Може да направите комбинација со еднобојна горна маичка со принт, или со креација со актулените карери. Летово доста се носат фустаните со исечени ракави или голи рамена токму со овој принт. Дел од трендсетерките избраа и костим за капење со каро шара. Ви преставуваме дел од најинтересните комбинации што може да се сретнат на интернет.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете линк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари