Сладолед, лубеница, ананас, лимон… Букви, збориви, бродови, картички, пликоа, знаменца… се дел од новата освежителна летна линија на креативното скопско студио „Преплет“.
-Инспирација за новата летна миниколекција ни беа освежителните сезонски овошја, кои ги искористивме како основа за текстури на најразлични хартиени производи. Производите кои ги создадовме претставуваат совршени додатоци за декорирање на најразлични поводи и подароци. Дел од новиот асортиман ни се и картичките со букви кои ја сочинуваат нашата автентична кирилична азбука. Тие се наменити за секој да може сам да си создаде одредена инспиративна мисла преку која може да си го разубави сопствениот простор или пак да изненади некого. Ги креиравме со цел да бидат одличен додаток за разубавување на некоја детска соба или декорирање на простор наменет за одбележување на одредена прослава, како: роденден, испраќање или дочекување на некого, девојачки забави, испишување на нечие име и слично-велат од „Преплет“.
Покрај буквите летниот асортиман го надополнуваат и хартиени бродчиња, специјално дизајнирани пликоа за честитки и мини картички со врвчиња за подароци и сите на себе носат летни и освежителни пораки за разладување во долгиот летен период. (А.Н.)
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете линк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари