Светски познатиот македонски дизајнер Марјан Пејоски ќе ја претстави новата колекција на својот бренд KTZ (Kokon to Zai ) за есен 2015 во Њујорк. Промоцијата ќе се одржи на 17 февруари во Milk Studios. Пејоски, кој е стациониран во Лондон, е омилен меѓу најголемите музички ѕвезди како Бјорк, Ријана, Рита Ора, Мајли Сајрус, Канје Вест, Џеј-Зи, Лил Вејн, Кјара, A$AP Rocky, Ерика Баду…
Ова ќе биде негово деби во Њујорк. Style.com јавува дека не е изненадување што тимот на KTZ одлучи новата линија да ја претстави во Њујорк, наместо во Лондон. Етикетата е позната по своите модели со нагласен волумен, храбрите принтови и црно-белата игра. Унисекс креациите се спој на западот и истокот, на модерните улични трендови и античките елементи.
Пејоски го основа брендот KTZ во соработка со Сашко Бежовски од 1997 година, а дел од дизајнерскиот тим е и Јапонецот Коџи Марујама. По светскиот успех на етикетата што го носи неговото име, Пејоски сега е позветен на работата на брендот KTZ, кој доживеа пробив во 2008 година. Креторот стекна светска популарност со фустанот во вид на лебед, што искандската пејачка Бјорк го носеше на доделувањето на „Оскар“ во 2001 година.
Нема коментари