Во тек е Миланската недела на машка мода, се презентираат машките колекции наменети за пролет-лето 2020. Извдоивме неколку дизајнерски колекции, и иако акцентот е на машката мода, дизајнерите прикажуваат и по неколку женски креации.
ФЕНДИ
Во градината на „Фенди“ доминираат маслинесто зелени и светлокафени нијанси, плетиво и беж комплети со бермуди, плетени торби и шари. На оваа ревија брендот соработуваше со познатиот режисер Лука Гвадањино („Викај ме со твоето име“)
ЏОРЏО АРМАНИ
Италијанскиот дизајнер Џорџо Армани одржа ревија во дворот на седиштето на неговата компанија, на која прикажа колекција што ги следи сите негови дизајнерски кодови – костуми, сакоа без ревери, спој на елеганција и спортски стил, ленени панталони, меки кроеви, многу сива боја, како што вели „облека што се спојува со спонтаност и елеганција“.
ДОЛЧЕ И ГАБАНА
Брокат, леопард, светки, златни и сребрени чевли, сафари комплети, кошули со тропски мотиви, многу свила со принт… ова е само мал дел од колекцијата #DGSicilianTropical на тандемот Долче и Габана.
ЕТРО
Италијанскиот бренд Етро претстави колекција во која направи микс од кашмирски и други етно шари, пончоа со реси, лежерни кошули и костуми, везени бомбер јакни, кошули и маици со хероите на Star Wars.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари