Златните и сребрените тоалети, како и фустаните со светки и пулејки беа главната тенденција на модната парада на вчерашното доделување на музичките награди „Греми“. Ноќта во која со златни стауетки се закитија „Дафт Панк“, Лорди и Џеј Зи, во златно-сребрени тонови се облекоа Тејлор Свифт, во тесен фустан од ексклузивната линија на „Гучи“, потоа Криси Тајген, Сиера и Рита Ора, а светкави апликации имаше на тоалетите на Алиша Кис, Иги Азалеја, Амбер Роуз и Ана Кендрик. Втората тенденција беше црвената боја, како избор на Пинк, Наташа Бедингфилд, Глорија Естефан и кантри пејачката Миранда Ламберт. Кети Пери предизвика внимание со нејзиниот буквален превод на музички фустан – таа носеше креација украсена со музички ноти, дел од новата колекција на висока мода на брендот „Валентино“. Наградената Лорди избра готски иглед и се појави во долг црн фустан од предесенската колекција на „Баленсијага“, а црна комбинација од Александар Меквин облече и Синди Лопер. Највозбудлив изглед имаа машките изведувачи, почнувајќи од мистериозното дуо „Дафт Панк“, преку раперите Рајан Луис и Меклмор, Фарел Вилијамс во тренерка од „Адидас“ и необична шапка, и Џаред Лето од 30 seconds to Mars, кои се покажаа најинвентивни на црвениот килим.
Тејлор Свифт во тоалета од златно ламе од колекцијата Gucci Premiere
Кети Пери во модел на „Валентино“ од колекцијата на висока мода
Манекенката Криси Тајген во фустан од Џоана Џонсон
Рита Ора во абсинт-зелен металик фустан од „Ланвин“
Бејонсе носи бела тантелна тоалета од Мајкл Костело
Иги Азалеја во фустан од светки од Ели Саб
Мадона и нејзиниот син Дејвид носеа костуми од Ралф Лорен
Пинк во црвен корсетиран фустан без прерамки од Џоана Џонсон
Сиера исто така носеше светкав фустан, а нејзин избор беше креацијата на Емилио Пучи
Алиша Кис во индиго син фустан од колекцијата Armani Prive, украсен со сваровски-кристали
Наташа Бедингфилд
Лорди во модел на „Баленсијага“
Миранда Ламберт во црвен фустан од Памела Роланд
Амбер Роуз во модел со златни линии од Наим Кан
Синди Лорер избра модел од Александар Меквин
Ана Кендрик во фустан на „Азаро“
Кели Озборн носеше креација на Беџли Мишка
Членовите на „дафт панк“ редовно носат облека од „Сен Лоран“
Рајан Луис и Меклмор во впечатливи костуми
Фарел Вилијамс со сопругата
Џаред Лето со останатите членови на 30 Second to Mars
Нема коментари