Модната дизајнерка Ива Спасовска промовира нова колекција за есен-зима 2017 на модна ревија што минатата недела се одржа во центарот за настани и свечености Аликaс, а на која претстави неколку стилски сегменти – Business Casual деловна облека, креации за вечерно излегување Night Out, линија Glamour како избор за свечености, но и машки креации. Во таа разновидност од креации има од свечена тоалета и фустан од црвен латекс, до свилена кошула и панталони, а дизајнерката креира комбинации за вашиот работен ден, вашиот ноќен живот и било каква свеченост која наѕира во близина. Модните комбинациите беа дополнети со накит од Анита Русевска.
На ревијата присуствуваа 400 луѓе, меѓу кои пејачките Симона Попоска, Мартија Станојковиќ, Лина Пејовска, Лаура Крлиу, Зоран Фаци Василевски, водителката Ирена Спироска, креативните сопственици на Signori и многу други. Освен професионалните манекенки од Студио Црнокрак, продефилираа и други личности, од кои познатиот тренер за личен развој Катерина Ангеловска, водителката Анастасија Деа и секако, научникот Мартина Димоска и Мики и Светлана Црнокрак.
Ревијата на Ива Спасовска беше организирана од агенцијата за дизајн и маркетинг Pageland во целосна соработка со креаторката. За прекрасниот изглед на сите кои дефилираа на ревијата се погрижија Студиото за шминка и фризура Excite Styling и Студиото за шминка Катарина Вељанова. Сликите се од талентираните MV Visual Production, P.S. Photography и режисерот и фотограф Зоран Зонде Стојановски кои го фотографираа и снимаа цел настан.
Нема коментари