Доделувањата на музичките награди носат добра забава, но и лоша мода. Тоа се покажа и на BRIT Awards, кои се одржаа вчера во Лондон, каде што присутните можеа да погледнат добро шоу на сцената и вистински дебакл на црвениот килим. Поп-ѕвездите, со неколку исклучоци се одлучија за светкави и разголени креации, кои многу не се разликуваат од костумите за настап. Во сребрена мини креација со кристали се појави Кети Пери. Светки имаше на зелениот фустан на Рита Ора, а Ели Гулдинг се решила за долга црна тоалета со многу отвори. Во сличен манир беше и изгледот на Пикси Лот, како и на Моли Кинг. Атрактивно изгледаа Наоми Кембел и Никол Шерцингер со шорцевите и високите чизми.
Светкави ѕвезди- Рита Ора, Кети Пери, Моли Кинг и Пикси Лот
Меѓу поелегатните модни решенија беше она на добитничката на наградата за најдобра британска соло пејачка-Емели Санде, која носеше горен дел во вид на кимоно и здолниште во црна боја со трендовски везови. И моделот Доуцен Крос, отскокнуваше со отмениот бел фустан со црни додатоци. Гламур, како за на холивудски црвен килим донесе манекенката Наталија Водијанова, со розова креација со пердуви.
Били ЏД Портер, Наталија Водијанова, Доуцен Крос, Мајлин Клас и Стејси Соломон
Атрактивни изданија на Наоми Кембел и Никол Шерцингер
Поинаква елеганција во црно: Емели Санде, Ели Гулдинг, Аби Кленси и Алеша Диксон
Елегантна машка мода, Џеси Вуд, сопругот на Ферни Котон, музичарот Ед Ширан и Бруклин Бекам
Лошите модни решенија редовно доминираат на црвениот килим на музичките случувања
Нема коментари