Македонскиот бренд „Линеа“ уште од далечната 1995 година ги освојува светските пазари, достапен е во над 10 европски земји како што се Русија, Хрватска, Србија, Австрија, Босна, Италија, со што сè поуспешно застанува рамо до рамо со големите светски брендови. „Линеа“ е присутна и на домашната сцена, има неколку свои продавници и многу задоволни купувачи. Неодамна „Линеа“ во соработка со Марија Манева од Windmillshop и Наташа Јакимовска од Fabrika 13 направи фотосесија со битолската уметница Биба Солак во која се споија трите домашни бренда и уште повеќе им се доближи на вљубеничките на домашниот дизајн.
Со „Линеа“ се дружевме на вчерашниот коктел настан во еден од продажните салони на брендот, оној на Рекорд во центарот на Скопје, а во пријатна атмосфера ја запознавме и новата колекција за лето 2018.
-Она кое би го издвоила како уникатност кога станува збор за нашиот бренд, е тенката линија меѓу моменталниот тренд и безвременската мода, прекрасните дезени посебно изработени за брендот, врвните материјали. Парчињата на „Линеа“ едноставно не се дизајнирани да бидат сезонски. Целта ни е еден ден вашите ќерки да уживаат во истите како да се нови – вели главната модна дизајнерка на „Линеа“, Славица Басаровска.
Беспрекорност, уникатност, квалитет – тоа е она што го опишува македонскиот моден бренд „Линеа“. Парчињата облека на „Линеа“ се аполутен Must have во гардароберот на секоја софистицирана дама. Тоа се парчиња кои зрачат, кои зборуваат доволно гласно за вашиот карактер да биде комплетен.
Во прилог можете да погледнете дел од атмосферата на коктелот и дел од новата колекција на брендот „Линеа“.
Нема коментари