Во рамки на промотивната турнеја по повод новиот албум насловен Phantom Radio, славниот музичар Марк Ланеган утре (среда) ќе одржи концерт и Младинскиот културен центар. Во Скопје ќе гостува со својот бенд. Phantom Radio е деветтиот соло-албум на 50-годишниот музичар, но ако ги сметаме соработките со Изобел Кембел (Isobel Campbell), Дјук Гарвуд (Duke Garwood) или со едната половина од The Gutter Twins (неговото тековно партнерство со Грег Дули (Greg Dulli)), или пак неговиот поранешен легендарен прв бенд Screaming Trees, тогаш таа бројка се движи некаде околу 20.
Тука се и неговите гостувања на албумите на Queens Of The Stone Age, а претходно и на албумите на Mad Season, супербендот од Сиетел од средината на 90-тите кој беше составен од членови од познатите Alice In Chains, Pearl Jam и Screaming Trees. Да не ги споменуваме неговите еднократни соработки со музичари како UNKLE, Martina-Topley Bird, Moby, Soulsavers, Melissa Auf der Maur и Creature With The Atom Brain. Сѐ на сѐ, Марк Ланеган учествувал на околу 50 албуми.
На оваа турнеја го придружуваат и изведувачите Дјук Гарвуд од Англија и Lyenn од Белгија. Вратите на МКЦ се отвораат во 20 часот, а програмата започнува во 20.45 со Lyenn. ВО 21.10 е настапот на Гарвуд, а во 22.15 почнува концертот на Mark Lanegan Band. Билети по цена од 600 денари, може да се набават само на билетара на МКЦ.
Нема коментари