Британскиот принц Хари и неговата сопруга Меган Маркл, односно војводата и војјвотката од Сасекс, снимија ексклузивно двочасовно интервју со Опра Винфри, кое ќе се емитува на 7 март на CBS, a прв поглед можеме да видиме од двата тизери објавени деновиве. Опра во еден момент во најавата вели „Ми кажавте многу шокантни работи“, останува в недела да го изгледаме комплетното интервју и да ги чуеме нивните сведоштва.
Хари и Меган пред една година одлучија го напуштат британското кралско семејство и се преселија во Лос Анџелес, САД. Се очекува во интервјуто со Опра да ја отворат душата и да објаснат зошто го напуштија кралскиот живот, колку трпеле поради расистичките испади кон Меган и лошиот третман од страна на некои членови на кралското семејство, а особено од британските медиуми. Во тизерот Хари објаснува дека неговата најголема грижа е историјата да не се повтори, осврнувајќи се на она што ѝ се случи на неговата мајка, принцезата Дајана. „Знаете, јас навистна се чувствувам ослободено и среќен сум што седам тука со вас и со сопругата покрај мене. Бидејќи, не можам ни да замислам низ што мораше таа да помине пред многу години сосема сама. Ни беше неверојатно тешко, но барем се имавме еден со друг“, вели Хари, држејќи ја за рака бремената Меган.
Нема коментари