На 8 и 9 април (сабота и недела), со почеток од 10:00 до 19:00 часот, во хотел Александар Палас, во коорганизација на Babyshop.mk и Боттега Евенти, ќе се одржи саемот за деца – Кид Експо.
- Идејата за овој саем вирееше неколку години, но поради ковид-кризата не можеше да се реализира. Конечно, го дочекавме правиот момент за да направиме нешто поразлично во кое се вложивме целосно како тим, за што веруваме дека ќе успееме да направиме настан за памтење, кој ќе прерасне во традиција и долго ќе трае. Идејата е да понудиме поинакво искуство за целото семејство и да излеземе малку од рамките на класичен саем како што сме навикнати да посетуваме. Ваков тип на саем до сега се нема случено кај нас, што ни претставува уште поголем предизвик за реализација. Под еден покрив ќе понудиме изложувачи кои се внимателно одбрани и кои имаат одлични и квалитетни производи за деца, од едукација и игри, облека и додатоци, играчки, опрема и мебел, здравје и козметика, храна и пијалоци. Покрај изложбено-продажните штандови, на Кид Експо организираме и Ринг со креативни и спортски работилници, концерти и претстави на Големата сцена, едукативни и интересни предавања за родителите и децата. Она што дополнотелно самиот настан го прави поинтересен е што дел од изложувачите на производи или услуги на самите штандови ќе имаат интерактивно претставување што дополнително ќе ги направи среќни и задоволни дечињата – велат од организација.
Програмата е веќе објавена на веб-страницата на насатанот и може да ја погледнeте тука.
Креативните работилници ќе бидат со претходна пријава и ограничен број на деца со цел да бидат поефикасни. Пријавувањето ќе биде овозможено неколку дена пред настанот преку веб-страницата www.kidexpo.mk. Доколку за некоја креативна работилница нема доволен број на пријавени, на самиот настан ќе има пулт за пријава.
Картите за Кид Експо може да се купат онлајн тука и чинат 200 денари, додека они кои ќе сакаат да купат на врата картата ќе чини 250 денари. За деца под 2 години, влезот е бесплатен. Во цената се вклучени сите работилници, спортски активности, предавања, концерти и забава. Посетителите ќе можат директно да купат производи од изложувачите или пак да си го резервираат производот, во зависност од приципот на работа на самиот изложувач.
Нема коментари