Прв саем за неформално образование за деца и млади во Скопје

На 1 и 2 септември во СЦ Форца

Слушнавте ли за „После часови“? На големо задоволство на сите родители, деца и млади, за прв пат кај нас ќе се одржи саем за воннаставни програми и активности, на настанот насловен – „После часови“. Овој голем интерактивен настан ќе опфати голем број на области – спорт и рекреација (фудбал, кошарка, ракомет, пливање, одбојка, гимнастика итн), музички училишта, танцови студија (балет, R&B и хип хоп, модерни танци и тн…), едукативни центри, јазични студија, училишен прибор и додатоци и многу, многу други области. Овој единствен настан има две уникатни цели: првата и најважна – низ директно доживување и искуство да им доближи на сите деца и млади што точно значи секоја област, да ги погледнат во живо реквизитите за спорт, музичките инструменти, да се запознаат со танц, наука, јазици итн, да пробаат низ демонстрација што секоја област подразбира, и самите да покажат кон што имаат афинитет, што им се допаѓа и во што се добри. Ова е прилика која не смее да се испушти, бидејќи ретко кога децата имаат прилика да пробаат СЕ, и самите да покажат за што навистина имаат афинитет. Подеднакво важно и корисно – настанот цели и да им олесни на сите млади родители кои (во услови на огромна понуда на активности и програми за деца) инаку самостојно би требало да истражуваат, контактираат, посетат и да се информираат за сите програми кои се нудат кај нас, нивните специфики, обучувачи, услови, термини, возрасни групи итн, што знае да биде навистина обемна и макотрпна задача. Наместо тоа, на настанот ќе можат да се информираат од прва рака за повеќе од 50 програми кои се нудат кај нас, и што е најважно – да одберат и на лице место да ги запишат своите најмили на она што ќе одберат по промотивни цени со големи попусти! Настанот е бесплатен и отворен за посета за широката јавност, а ќе се одржи на 1 и 2 септември 2018 во спортската сала Форца со времетраење од 10:00 до 19:00 часот двата дена. Следете ги сите информации и детали на настанот на Facebookи на официјалната Facebook фан страна – ОВДЕ.