Во седумдесеттите години Џејн Биркин на еден пазар во гратче на Азурниот Брег купила мала плетена сламена корпа и оттогаш ова парче станало нејзиниот омилен моден детаљ. Иако Hermès ќе ѝ ја посвети познатата биркин-чанта, самата таа некако повеќе се пронајде во плетените торби и во тој период ги носеше скоро со секакви комбинации и во сите пригоди – со ѕвонести фармерки, мини фустани, бели маички, кожни чисми, но и со вечерни свечени фустани. Скоро и да не постои фотографија од тој период на која Џејн не носи сламена торба.
Минатото лето плетената сламена торба најде свој пат на Инстаграм и во фотохрониките од уличната мода, а модерните девојки лесно се внесоа во модниот стил на Џејн Биркин. Инспирацијата продолжува, слични модели има и во колециите на „Миу Миу“, „Прада“, „Лоеве“, а плетени торби ќе носиме и пролетва во верзија од слама, јута или ратан.
Како и со стилот на Џејн Биркин новите сламени торби не се наменети само за пикник, туку за во урбани средини и одлично се комбинираат со џинс, мантил, елегантно сако, лелени ли цветни фустани, костими, практично со секаква облека. Еве примери од ѕвездите на уличната мода.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари