Мокасините се најбараните обувки на сезоната, идеални за овој есенски период, модел на чевли кој одговара на разни комбинации и во секое време од денот. Традиционалниот облик на мокасини популарен уште од 1930-тите, сега е модернизиран со високи, „расечени“ ѓонови, најчесто во црна боја. Традиционалните мокасини секогаш се добра идеја, но ако сакате трендовски изглед бирајте модел на платформа, како по примерот на гломазните мокасини на Прада кои се актуелни во последниве две години.
Иако на прв поглед изгледаат гломазни, новите модели на мокасини одлично ќе одговараат на секоја комбинација – дневна кежуал или деловна, но и вечерна, елегантна и прилагодена за излегување. Овие обувки нудат удобност, а се носат со панталони, фармерки и хеланки, со кратки или плисирани здолништа, со долги фустани, џемпери, женски костуми и мантили, а забележуваме дека хит е кога се комбинираат со чорапи (уште еден поларизирачки тренд е обувки со бели чорапи).
Истражувањето на модната пларформа Lyst покажало дека интересот за овој тип на обувки се зголемил за 250 отсто откако тие беа претставени во дизајнерските колекции. И оваа сезона секако ќе биде во знакот на мокасините, а модели може да најдете во понудата на хајстрит-брендовите популарни кај нас како Zara, Stradivarius, Massimo Dutti, H&M, Mango…
Нема коментари