PARIS HAUTE COUTURE: Видео преглед на ревиите на Баленсијага, Валентино, Ели Саб, Фенди, Готје и Зухаир Мурад

Заокружено е уште едно издание на Париската недела на висока мода со презентација на најексклузивните колекции за сезоната есен-зима 2022/23.. Внимание привлече Демна Гвасалија кој ја претстави второта колекција на висока мода на модната куќа за која креира, Баленсијага, со театрални модели, креации кои реферираат на работата на Кристобал Баленсијага, но и модели инспирирани од sreetwear стилот. На ревијата во улога на модели се појавија Никол Кидман, Ким Кардашијан и Дуа Липа. Откако Жан Пол Готје пред две години одлучи да не дизајнира висока мода, воведе нов концепт со кој под негово име креираат дизајнери гости. Оваа сезона гостинската колекција ја подготви Оливие Рустен од Балман, кој претстави своја визија на некои од најпознатите couture креации на Готје. Колекцијата на Ким Џонс за Фенди спои три града – Рим како дом на модната куќа Фенди, Париз како центарот на високата мода и Кјото во кој се изработени репродукции на традиционалниот асиметричен пачворк од јапонска свила. Во склоп на Париската недела на висока мода, но на локација во Рим, поточно на Шпанските скали, се претстави и Валентино. Во близина на Шпанските скали во 1959 година Валентино Гаравани (90) го отвори првиот бутик, а самиот дизајнер присутвуваше на оваа ревија на модната куќа што тој ја основа. Последниве сезони за Валентино креира Пјејпаоло Пичоли, кој новата колекција ја нарече The Beginning (Почетокот) и престави креации кои реферираат на почетоците на Валентино Гаравани. На Париската недеда на висока мода се претставија и либанските дизајнери Ели Саб и Зухаир Мурад, Саб со колекција инспирирана од бисерниот сјај на самракот, додека Мурад се инспирира од мистиката на хороскопот, таротот и хиромантијата. Во продолжение погледнете ги видеата на овие колекции.   ПРОЧИТАЈТЕ: PARIS HAUTE COUTURE – Видео преглед на новите колекции на висока мода   BALENCIAGA FENDI ELIE SAAB JEAN PAUL GAULTIER HAUTE COUTURE BY OLIVIER ROUSTEING VALENTINO ZUHAIR MURAD