Моделот Павле Николовски веќе добро познат лик во модниот свет неодамна се врати од Абу Даби и Дубаи каде работно престојуваше две недели. Овој пат македонскиот манекен со интернационална кариера се појави во новата кампања за унисекс накитот создаден од дизајнерката и уметница Јелена Мандиќ – Urijell („Урилеј“). Големото искуство и професионалноста на нашиот модел го воодушеви целиот тим, а за ова модно искуство Павле вели: „Магично и нестварно, Јелена има таква моќ и енергија што мислам да ѝ дадете песок ќе го преобликува во злато“.
-Овие фотографии се една исклучителна арапска фантазија со примеси на францускиот стил. Колекцијата на накит го носи името “Bonbons de Sole” односно свилени бонбони – велат од неговата матична агенција Моделс Ин Менаџмент.
Јелена Мандиќ од секогаш била фасцинирана со стаклото. Како Мис на Србија и Црна Гора во далечната 2005 година учествуваше на изборот на Мис на универзум и ја освои престижната стипендеја за мастер студии во странство. Потоа во 2008 година со огромен успех ги завршува магистерските студии на познатата меѓународната академија CERAM во Antipolis, Јужна Франција.
Паралелно со студирањето на менаџмент и стратегии во туризмот ги започнува студиите за стакло. Учењето на техниката “Lampwork” ја започнува кај Claire Bangme, нејзината приватна професорка во Франција, а своето усовршување го продолжува кај најеминентните германски, холандски, италијански и американски мајстори за стакло.
Lampwork техниката е интересен процес на изработување на стакло која користи двоен пламен (плин и кислород) за топење на шипки од проѕирно обоено мурано стакло за изработка на накит. Иако ваквиот метод на уметност се практикува од древните сириски времиња станува нашироко практициран во Мурано, Италија, во 14/15 век, а некаде во тоа време и во Франција.
Јелена Мандиќ својата инспирација воглавно ја пронаоѓа во природата и низ нејзините патувања, затоа сите нејзини креации се толку шарени.
Името на брендот Urijell го создала со додавање на првата буква од нејзиното име Јелена (што значи вечен пламен) и името на Архангелот Урил (ангелот на пламенот и огнот). Заради овој податок колекцијата на накит „Уријел“ ја носи светлината и среќата на сите кои го носат.
Оваа уметница живее и работи во Франција, а од неодамна својата уметност ја пласира во Обединети Арапски Емирати, каде што има свој застапник, а тоа е госпоѓицата Ксенија Плавшиќ која воедно ја организираше првата изчожба на накитот Уријел во Абу Даби. Меѓу најпознатите светски дами кој го носеле накитот „Уријел“се принцезата Барбара Караџорѓевиќ, официјално Барбара Елеонора Марија Фон унд ду Лихтенштајн, принцезата Марија Габријела од Савоја, познатиот светски модел и актерка Викторија Силвестед, познатата либанска политичка новинарка Шантал Салибаи и многу други познати дами во светот.
Новото лице на брендот Urijell е македонскиот интернационален модел Павле Николовски. Овие фотографии се направени непосредно пред самата изложба во прекрасните делови на Абу Даби, каде топлите и длабоки сини очи на нашиот убавец Павле се пресликуваат со морето на арапскиот залив и нијансите на уникатниот накит.
Нема коментари