Модата остана без една од оригиналните супермоделки Татјана Патиц, која почина на 56-годишна возраст , според последните информации од рак на дојка. Според нејзиниот застапник од њујоршката модна агенција Model CoOp, Татјана починала „неодамна“, но веста беше објавена вчера, 11 јануари.
Татјана го покори модниот свет и скоро четири децении беше незамнлив дел од модата. Пошироката публика ја знаеше од легендарниот видеоспот Freedom на Џорџ Мајкл, во кој се појави заедно со Кристи Тарлингтон, Линда Евангелиста, Наоми Кембел и Синди Крафорд, манекенките кои ја одбележаа ерата на супермодели во 90-тите години.
Но Патиц беше повеќе од само лице од познатиот видеоспот. Таа беше модел од насловните страници на Vogue, Harpers Bazaar, Elle, заштитно лице на безброј модни кампањи, манекенка која дефилираше на најзначајните модни ревии.
Ана Винтур од Vogue беше меѓу првите кои ѝ оддадоа почит на Татјана кога се појави веста за нејзината смрт.
-Татјана отсекогаш била европски симбол на софистицираност, нешто како комбинација на Роми Шнајдер и Моника Вити. Беше далеку помалку видлива од другите манекенки – помистериозна, повозрасна, понеостварлива, а тоа имаше свој шарм – се присети Винтур.
Родена во Хамбург од мајка Естонка и татко Германец, а со семејството подоцнаа се преселила со семејството во Шведска. На 17-годишна возраст се пријавила на натпревар за модели на Елит во Стохолм, каде што се пласирала на третото место. Нејзината награда била патување во Париз и временски ограничен договор, но успехот нема да дојде автоматски и таа не најде работа една година. Но наскоро ќе биде забележана и ќе ја започне својата долга и богата кариера. Ќе отане запаметена како една од првите супермоделки, но за разлика од нејзините колешки како Наоми и Синди кои беа постојано видливи во јавноста и од своите имиња изгадија брендови, таа ќе живее повлечено, во последнте години на фарма во Калифорнија заедно со синот Јохан.
Нема коментари