Колекцијата Kids of the 90′s на македонскиот урбан бренд Cactus Design („Кактус“) ќе биде изложена од 20 до 24 февруари во скопската галерија „Акантус“ (Acanthus Gallery) во Дебар Маало. На четиридневната поп-ап продавница моделите ќе бидат ставени на распродажба со попуст од 20 отсто.
На отворање што ќе се одржи следниот вторник (20 февруари) од 17 часот ќе има афтерворк забава со Еми Ермилова. Ќе изложат и парчиња облека и од претходната колекција ‘Botanica’ која исто така е на попуст. Во април ќе биде одбележан првиот роденден на „Кактус“ со новата пролет- лето 2018 колекција. Тоа ќе која ќе биде нивна четврта линија по ред.
-Користиме повеќе техники на самиот текстил како везење и сито печатење кои ги изработуваме сами. На секое парче облека исцртуваме илустрации кои се уникатни и по кои го добиваме самото име на колекцијата. Секогаш го бираме најквалитетниот материјал кој е во различен спектар на бои. Moже да се забележат блузите од последната колекција за какви материјали, бои, илустрации и техники станува збор- велат Еми и Сандра кои стојат зад брендот „Кактус“.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари