Со ревија на Јована Филиповиќ денеска во 18.30 часот во салонот „Порше Македонија“ ќе почне 15-тото јубилено издание на Моден викенд – Скопје, кое ќе трае до 2 април. Колекцијата за пролет-лето 2017 на Филиповиќ претставува омаж на соработката со компанијата „Пелистерка“, која започна пред точно пет години. Моделите се инспиририрани од водата, што пак неслучајно асоцира на „Пелистерка“ и нејзиниот најпознат продукт – водата во шише.
Ревијата на Јована Филиповиќ претставува омаж на соработката со компанијата „Пелистерка“
Во 21. часот публиката ќе ја види најновата колекција на уникатен италијански накит на „Sigma Jewelry“ под слоганот „Пролет е време за убави нешта“. Пола час подоцна за прв пат на Моден викенд – Скопје ќе ја видиме Емира Имери со колекцијата “Heyoka” за пролет-лето 2017 година. Во 22 часот ќе се одржи последанат ревија за првата вечер на , дизајнерката Силвија Михајловска, која стои зад брендот „Алшар“. Колекцијата Out of Africa е инспирирана од ликот на Карен од култниот филм „Моја Африка“ со Мерил Стрип и Роберт Редфорд. Веднаш по ревиите на истата локација-„Порше Македонија“ од 22:30 часот посетителите ќе го дочекаат 1 април на забава.
Силвија Михајловска, која стои зад брендот „Алшар“ ќе ја претстави колекцијата Out of Africa
Втората вечер (сабота)ќе започне во 18.30 со групната ревија на 15 студенти од Факултетот за арт и дизајн при Европски универзитет Р. Македонија, наречена „Шик-шок-ефект“. Во 19.30 следува ревијата на „Linea collection“ со колекцијата составена од линиите: Botanique, Fragmented Feeling, Playful Transparents, Pure and Fresh и Urban Nomads. За прв пат на Моден викенд-Скопје ќе се претстави „Atelier Kocareva“ со колекцијата „ History is written by the winners“ ,со почеток во 20.30 часот. Еден час подоцна ќе се одржи ревијата на Марија Трајанова, која стои зад брендот „Marsin“ со колекцијата „Bond lady“. За крај на втората вечер во 22 часот ќе ја видиме најновата колекција на Ирина Тошева, која како што вели дизајнерката „има за цел да ја подигне јавната свест за актуелно насушната потреба за грижа кон животната средина и покажување поголема љубов кон природата“.
Ирина Тошева со новата колекција има за цел да ја подигне јавната свест за актуелно насушната потреба за грижа кон животната средина и покажување поголема љубов кон природата
Последната вечер на 2 април (недела) во 19 часот публиката ќе ги види „Walon fashion group“ со колекцијата „Plumes et Perles“, во 20 ч. е ревијата на „Paolo Bocelli“ и нивната колекција за актуелната сезона која е фузија помеѓу урбан гламур и класичен и кежуал дизајн. Во 20.30 следува Сара Реџиќ со колекцијата Spring Fairy , а по неа во 21 часот е „Elize“. За крај на петнаесеттиот Моден викенд Скопје во 21.30 ќе ги видиме тројцата избрани финалисти од неодамнешниот натпревар „Fashion Scout SEE“: „Victor Kaiser“, „Shaleva Couture“ и „Ана Марија“. Тие најпрвин ќе заминат на белградската модна недела на 28 март, каде што ќе се одбира најталентираниот балкански дизајнер кој потоа ќе има ревија на модната недела во Лондон во септември годинава. Студентите кои се под менторство на дизајнерката Лидија Георгиева од „Институтот за дизајн и инжењеринг на текстил“ на Технолошко-металуршкиот факултет при УКИМ во Скопје, ќе ги презентираат своите дизајни во три фази, од кои првата е изложба на Моден викенд Скопје.
Марија Трајанова, која стои зад брендот „Marsin“ ќе се претстави со колекцијата „Bond lady“.
Генерален покровител и официјална вода на настанот е минералната вода „Пелистерка“. Официјален партнер за фризурите на моделите „Lakme“. Официјален дерма бјути партнер е „Vichy”. Официјално возило на настанот е „Porsche“. Со „Miele“- до Вашиот дом од соништата. “iStyle”- премиум поддржувачи на Моден викенд Скопје. „Fashion&Friends“ се ко-продуценти на официјалната насловна. Насловната на која се заштитните лица моделите Симона Ангеловска, Ања Шарановиќ и Викторија Ристовска од модната агенција „Подиум“, направена на терените на коњичкиот клуб „Дона“ во Радишани, ја потпишува Јована Зука. Графичкиот дизајн е на Дејан Зафировски. За фризурите се погрижи „LAKME“ во соработка со Кристина Кики Серафимова, а за шминката Јована Коциќ. Стајлингот за насловната го осмисли Зука а манекенките се облечени во најновите модели џинс од „Fashion&Friends“ , надополнети со аксесоари од „Parfois“ и „Mango“. „Теа Модерна“ како еден од медиумските покровители на настанот, и оваа сезона ќе одбере најдобар дизајнер на петнаесеттиот Моден викенд Скопје според нивната редакција, и ќе му обезбеди насловна страница и интервју во едно од своите изданија.
Нема коментари