Дизајнерот Рикардо Тиши во својата трета колекцијa за лукзузниот британски бренд со долга историја „Барбери“, зеде инспирација токму од британската историја и од викторијанската доба и ја пренесе во иднината. Во создавањето на колекцијата наречена „Еволуција“ тој поминал низ архивите до моментот кога основачот Томас Барбери го создал брендот во 1856 година, што понатаму била инспирација за неговите најнови дизајни.
„Викторијанската ера го слави времето кога Британија поминувала низ промени, тоа е времето кога луѓето од оваа земја навистина гледале кон иднината. Оваа ера била смела, но доста кревка“, изјави Тиши после ревијата за инспирацијата на колекцијата, во која вметна нови верзии на „Барбери“ мантилот, машки и женски креации со принт на дрва и животни, модели со впечатливи ракави, детали од реси, тантела и пердуви.
Со доаѓањето на Тиши во „Барбери“ почнало неговото истражување на архивите со цел да ги сфати старите и да ги редефинира новите кодови на модната куќа. Следејќи ја историјата и срцевината на брендот, дизајнерот создал нова колекција инспирирана од минатото и посветена на иднината. Тоа е еволуцијата на „Барбери“ царството.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари