Во стартот на Париската модна недела Марија Грација Кјури, креативниот директор на „Диор“ ја претстави новата колекција за есен-зима 2019/20 во која повторна ја прославува женската еманципација. Оваа колекција е инспирирана од британската феминистичка супкултура на Teddy Girls која што се појавила во Лондон од 50-тите години, а Кјури вели дека оваа тема ја привлекла поради бунтовништвото на теди девојките и сакала да го претстави како спротивност во општествениот спектар во декадата во која Кристијан Диор ја создал дефинираната ера „Нов изглед“ и модата која била сакана од дамите од високото општество.
Ако пред неколку сезони „Диор“ ја лансира маицата со слоганот „Сите треба да бидеме феминисти“, оваа сезона Кјури има три нови мантри позајмени од феминистката Робин Морган – „Сестринството е глобално“, „Сестринството е моќно“ и „Сестринството е засекогаш“. Морган во 1984 година ја објави „Сестринството е глобално“, збирка на есеи на жени од преку 80 земји. Овие пораки се испечаени на маиците кои ги видовме на модната ревија на „Диор“ во музејот на Роден во Париз.
Кјури покрај освртот на Морган, оддаде почит на уште креативна жена, современата италијанска уметница Томасо Бинга, која ја дизајнираше сценографијата на ревијата, употребувајќи ги црно-бели фотографии на женски актови, базирани на нејзинито дело Alfabeto од 1970 година.
Колекцијата за спедната есен е ревизија на оригиналните кодови на модната куќа основата од Кристијан Диор и на „Новиот изглед“ со кој во 1947 година Кристијан ја револуционираше модата. Еклектичната инспирација од „Новиот изглед“ и Teddy Girls резултира микс на дефинирана женственост и гардероба позајмена од мажите како кожени јакни, панталони и костими. Се чувствува препознатливата силуета на Кристјан со дефинирана половина и А-крој, а Кјури прикажа и нови верзии на неговото Bar-сако.
После смртта на креаторот Карл Лагерфелд Кјури била поттикната да размислува за нејзината улога, за иднината на „Диор“ и во која насока треба да се движат креациите на етаблираната куќа. „Како и јас, Карл беше креативен директор на легендарна модна куќа. Кога работите за брендови како „Шанел“ и „Кристијан Диор“, треба да го земете предвид нивното наследство, така што обичните луѓе можат веднаш да го идентификуваат со одредени визуелни кодови. Главниот Диор код е, се разбира, силуетата на ‘нов изглед’“, изјави дизајнерката Кјури.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари