Цутот на јапонските цреши, нежната трансформација на белиот цвет во црвен плод, како своевидна симболика на преминот од невиност во сензуалност, е основата на која креаторката Силвија Михајловска („Алшар“) ја развила приказната на колекцијата „Sakura (In)Fusion“. Моделите за пролет-лето 2016 беа своевидно финале и цреша во успешната прва вечер на 13-тото издание на Моден викенд-Скопје. Присутните во салонот „Порше Македонија“ беа сведоци на модно цутење и созревање на колекцијата- преставено преку бели, црвени и црни монохроматски креации , но и зреење на самиот бренд „Алшар“.
Фото: Ани и Дими
„Sakura (In)Fusion“ е цреша во трпеливо и континуирање градење на „Алшар“. Претставените повеќе од 25 креации беа издржани, со креативна идеја и квалитетна изведба. Дизајнерката наптавила добра фузија на контрасти, споила наводум неспоиви елементи во компакна приказна. Застапени се кроеви што ја следат линијата на телото но се збогатени со елемти со нагалсен волумен, спортски детали и асиметрични акценти, а дел од креаците беа дисретно исшарани со рачно сликани парчиња. И изборот на материјали е микс од различности, во чија основа отскокнуваа брокатот и тантелата.
Фото: Ани и Дими
Михајловска дала свое видување на современата гејша правејќи уникатни но носиви модели. Некаде помеѓу нежното и впечатливото беа и модните додатоци креирани од младата дизајнерка на накит, Елена Ристовска, кои одлично се вклопиле во приказната. Впечатокот беше надополнет со драматичната шиминка и фризурата на манекенките, налик на гејшите. За шминката на манекенките се погрижи официјалниот мејкап партнер „Golden Rose“ во соработка со Зоран Шурбевски и неговиот тим а за фризурите „Lakme“ во соработка со Едукативниот центар „Кариера Плус“.
Фото: Ани и Дими
На своето прво претставување на Моден викенд-Скопје „Алшар“ беше поддржа од „Скопско Чреша“. По ревијата вечерта продолжи со првоаприлска забава во просториите на „Порше Македонија“.
Фото: Stylist.mk Instagram
Во рамките на Моден викенд Скопје можат да се видат и „Fashion&Friends“ кои презентираат инсталација наречена „Fashion Herbarium“ во која впечатливите парчиња од тексас и модните додатоци се прикажани во форма на моден хербариум испреплетени со природни елементи – дрво, зеленило и цветови. Јагода Пачемска од арт-студиото за цвеќе „Фа-Бу“ изложи ексклузивен фустан изработен исклучиво од свежо цвеќе. Во текот на тридневното случување ќе биде изложен и накитот на „Farina’s handmade“. Вечерва, на 2 април, ќе видиме групна ревија на студентите од Факултетот за арт и дизајн при Европскиот универзитет на РМ кој годинава слави петнаесет години од своето постоење. За прв пат на настанот ќе се претстави дизајнерката Тијана Младеновиќ од Србија, која доаѓа преку соработката на Моден викенд Скопје со српската модна организација „БАФЕ“. Следуваат ревиите на модната куќа „Линеа“ и брендот „Elezi Paris“ а за крај на втората вечер ќе ја видиме колекцијата на Ирина Тошева поддржана од „My:Time“ и Министерството за култура на РМ. Модната новинарка Снежана Јаначкоска Богдановска – Сани ќе ја презентира својата прва книга „Моите стории – мојот LIFE“ која наскоро ја очекува и голема официјална промоција.
Фото: Stylist.mk Instagram
Пелистерка и Моден викенд – Скопје, сезонава се обединија за поддршка на Здружението за борба против рак „Борка“ – за секој нов ден, во остварување на следите заеднички цели: Поддршка за Алијансата на пациентски организации (АПО), прогласувањето на година за борба против ракот во Р.Македонија, третманот на малигните заболувања да стане приоритет во здравствениот систем и подготовката на Национална стратегија за борба против малигни заболувања 2016 – 2020 година. Генерален покровител и официјална вода на настанот е минералната вода „Пелистерка“. Официјален кафе-партнер на тринаесеттиот Моден викенд Скопје е „Гранд Кафе“. Официјален дерма бјути партнер е „Vichy”. Официјално возило на настанот е „Porsche“, официјално вино е „Chateau Sopot “ , шампанско “Moet” а официјална водка „Finlandia“. Партнер кој се грижи за нашето здравје „Merz“. „ Ла Тана“ – новиот ресторан за свадбени веселби е нашиот стар кетеринг партнер. Проектни партнери: „My:Time“, „Pakomak“, „Lotus Lounge Chair“, „Баргала“, „ Хотел Арка“, „МДН обезбедување“, „Concept 37“ и „LamiForm“. (А.Н.)
Фото: Stylist.mk Instagram
Нема коментари