Ноќните птици, орлите и други видови на птици грабливки, нивната брзина и острината на поглед биле инспирација на младиот дизајнер Филип Тренчовски, со чија ревија беше заокружена првата вечер на 14-тото издание на Моден викенд-Скопје. Birds of Pray е прва колекција и прва ревија на Тренчовски. Десетте панкерски птици „прелетаа“ на модната писта со доза на минимализам и драматичност. По пат на конструктивната техника мулаж и геометризација на птичјата форма се создадени современи дизајнерски парчиња облека, со интересна композиција, оригиналност и мала скулптуралност која придонесува во“грабливоста”на секое човечко око да биде насочено кон нив.
Ова е прва колекција и самостојна ревија на Филип Тренчовски, кој студира моден дизајн во Бугарија, Фото: Ани и Дими
- Стилски, амбиентот на просторот и колекцијата се контрастни, но најдовме т.н. златна средина.Колекцијата е склоп е на повеќе стилови, минимализам, панк, футуризам…Никогаш не се потпирам на одреден стил. Од боите најдоминантна е сивата /сребрената, а второстепени се нијанси на црна и бела. Користев неопрен, памук, индустриска кожа, индустриско крзно и жоржет. Колекцијата е експеримент кој си го зададов на самиот себе и самата по себе во начин на изработка и кројки е експериментална, затоа нема да биде продажна-изјави за Stylist.mk Тренчовски.
Фото: Ани и Дими
Тој од многу мал имал афинитети кон уметност и постепено во средно училиште се кон модниот дизајн.
-Завршив средно во „Лазар Личеноски”-отсек мода. Моентално сум студент по моден дизајн во Бугарија. Досега не сум имал посериозни професионални ангажмани, сепак, ова ми е прва колекција, но сум отворен за соработка и за тоа што допрва доаѓа во мојата модна кариера-ни изјави тој.
Фото: Ани и Дими
Нема коментари