Викторија Бекам можеби долго време беше потсмев на дизајнерксата заедница, со кариера на поп-ѕвезда со не многу сјајна стилска репутација, но денес таа важи за сериозен играч на модната сцена и со секоја нова колекција се покажува сè подобра и подобра. А по најновата модна ревија со креациите за есен-зима 2014/15 што вчера се случи во рамките на Њујоршката модна недела, првите искази на новинарите е дека дизајнерката се надмина себе си и дека ова е најзрелата колекција во петгодишното постоење на нејзиниот бренд.
Моделите на Викторија за следната есен претставуваат софистицирано истражување на главните елементи на мажественост и женственост, лекција за тоа од што треба да се состои гардеробата на модерната жена – машки палта и елеци приспособени на женското тело, комотни панталони и здолништа со поедноставен крој. Палетата во нејината колекција е составена од бела, црна и црвена боја, но најголем впечаток оставаат психоделичните принтови и шарените ефекти кои ја разигруваат воздржаната силуета од плисирани здолништа и набраните горни делови.
Критичарите се задоволни од нејзиниот прецизен пристап кон работата како моден дизајнер и личната реинвенција во автор со софистициран израз. За пофалба е нејзиното внимание на деталите, како плисе, карнери, златни ланци и секако на совршениот крој. Поддршка на ревијата, покрај видните уредници и модни новинари, ѝ даде семејството, сопругот Дејвид и децата кои седеа во првиот ред.
Нема коментари