Со какви чевли да ја докомплетирате есенската комбинација?! Со кои модни додатоци да го дополните стајлингот?! Што треба да се вметне за да се се креира сопствена модна визија?! Ако мислите дека може да одговорите на овие прашања и дека имате со изострено чувство за мода кое сакате да го изразите, станете Casual Stylist на „Скопје сити мол“. За што всушност станува збор? „Скопје Сити Мол“ овозможува уникатен предизвик во кој сите вљубеници во модата ќе успеат да се изразат себеси на креативен и на оригинален начин.
На покана на „Скопје сити мол“ уредничките на Stylist.mk , Катерина Трајановска и Ана Несторовска, заедно со дизајнерот Драган Христов бевме дел од новата промотивна акција – потрага на Casual Stylist и смисливме три комбинации со модни парчиња од брендовите што може да се најдат во овој трговски центар, но во секоја комбинација недостасува еден клучен дел кој треба самите вие да го предложите за да се докомплетира стајлингот.
Разгледајте ги трите комбинации, погледнете што недостасува и осмелете се, како вистински моден стилист, да ја дооформите комбинацијата. Бидете дел од модниот предивик на „Скопје сити мол“ и испраќајте модни предлози на ФБ фан страната. Модните стилисти ќе одберат три девојки или момчиња чиј предлог го сметаат за оригинален придонес кон нивната комбинација, по што одбраните тројца ќе добијат можност и самите да создадат своја комплетна модна комбинација што ќе биде изложена на кукла во „Скопје сити мол“. Сите посетители ќе имаат можност да гласаат за комбинацијата што најмногу им се допаѓа на ФБ Фан страната на „Скопје сити мол“, а Casual Stylist-ите ги чекаат волшебни награди.
-Ги повикуваме сите девојки и момци над 18 години да ни се приклучат во нашиот моден предизвик „Сврти нов лист и стани стилист“ и да го направат својот прв чекор кон модата. Оние со најистенчено чувство за стил, вештина за комбинирање, око за играње со модните парчиња ќе бидат наши нови стилисти и ќе ни помогнат во креирање на комбинациите за нашиот новогодишен City Mall магазин. Но, и сите оние што ќе гласаат ќе добијат супер подароци, бидејќи и тие ќе учествуваат во креирањето на нашиот Casual Stylist – изјави Дарко Панчевски од „Скопје сити мол“.
„Скопје сити мол“ ги поддржува сите девојки и момчиња без разлика на нивната возраст и телесни облини и ја поддржува и промовира идејата за сакање и прифаќање на своето тело и искажување на таа љубов преку модата. „Скопје сити мол“ верува во добриот импакт од ширењето на позитивни чувства и респект еден кон друг и во таа насока останува на страната на „несовршените“, токму поради нивната несекојдневност што им обезбедува автентичнен печат.
Нема коментари