Во екот на заживувањето на стилот на деведесеттите и првите години од новиот милениум не е чудно што карго панталоните се вратија на листата на главните трендови за оваа сезона. Кардашијан, Марта Ортега и Бела Хадид се само дел од познатите личности кои веќе се приклучија на овој тренд кој постепено добива се повеќе верни следбеници. Оваа селекција на фотографии од ѕвездите на уличниот стил открива како ефективно да носите карго панталони оваа есен.
Токму кога модниот свет помисли дека карго панталоните немаат други интерпретации освен типично војнички, уличниот стил почна да се полни со изгледи кои покажуваат дека трендот може да оди многу подалеку. На пример, во канцеларија. Со нивно комбинирање со софистицирани додатоци типични за класичниот стил, како што се сако, бела кошула или балетанки, можете да создадете слика која одговара на кодексот на облекување во канцеларијата.
За полесно комбинирање бирајте базични и поелегантни парчиња облека, но овој тип на панталони ви овозможуваат да си играте со различни трендови, текстури и бои за посебен резултат. Одговара и на колеџ-стилот кој е повторно актуелен, како и на лежерниот кога се носи со тексас јакна. Се спојува и со есенска облека, но не заборавајте дека можете да ги носите и во постудените месеци кога се комбинираат со високи чизми и зимски јакни.
Во однос на модните додатоци, тие играат голема улога и ја заживуваат целата комбинација – патики и војнички чизми, чанти во секаква боја одговараат на неутралните бои на панталоните, штосни очила за сонце и шарени марами, се носат дури и салонки.
Нема коментари