Утре, 30 ноември, ќе се идржи 55-тата по ред Критична маса на тема „Избери точак“, со почеток во 17.30 часот на Плоштад Македонија, и со крајна дестинација Фонатана во Градскиот парк. Освен во Скопје неделава Кристична маса има во уште четири града, настанот помина во Битола и во Гостивар, ќе се вози велосипед и во Прилеп (30 ноември, 17.30, споменик Александар Македонски и во Струмица (7 декември, 18.00, Плоштад Гоце Декчев). Во пресрет на парламентарните избори, неформалното здружение за урбан велосипедизам НаТочак-Скопје заедно со Битола НаТочак, Прилеп НаТочак, ГостиварНаТочак, ТетовоНаТочак, СтрумицаНаТочак и Штип НаТочак испрати документ до политичките партии со име „Визија за Македонија на точак“.
Еве што пишува во дописот:
Нашето општество се соочува со неколку проблеми од големи размери кои директно се поврзани со начинот на транспорт низ населените места и третманот кој различните типови транспорт го добиваат од институциите.
-Небезбедност во сообраќајот и жртви.
-Сообраќаен метеж и непријатни јавни простори.
-Здравствени проблем кај населението (проблем со загадување, недостаток од физичка активност, итн.)
Со серија мерки за развој и унапредување на условите за велосипедскиот сообраќај во градовите ќе се привлечат поголем број граѓани да го користат велосипедот како превозно средство. Со тоа значително ќе се помогне во решавање на голем дел од проблемите со кои се соочуваме како општество: ќе се намали загадувањето, ќе се подобри јавното здравје и ќе се решат некои од најголемите градски проблеми поврзани со сообраќајниот метеж. Притоа ќе се заштедат средства од буџетите на општините, како и буџетите на министерствата за здравство, транспорт и животна средина.
Oд првичната анализа која ја направивме на досега објавените партиски програми за парламентарните избори, решавањето на овие проблеми речиси комплетно е изоставено.
Велосипедот, доколку воопшто е спомнат, е речиси исклучиво дел од проектите за спорт, рекреација или туризам.
Крајно време е сериозно да му се пристапи на проблемот и во политиките велосипедот да се третира примарно во категоријата ТРАНСПОРТ.
Веќе 4 и пол години активно ги актуелизираме придобивките од користењето на велосипедот, како и проблемите и решенијата поврзани со велосипедскиот сообраќај.
Затоа се почувствувавме должни да реагираме.
Заедно со другите #НаТочак организации: Битола НаТочак, Прилеп НаТочак, Гостивар НаТочак, Тетово НаТочак, Штип НаТочак, Струмица НаТочак, подготвивме документ (http://natochak.blogspot.mk/2016/11/blog-post_24.html) кој го испративме до политичките партии со цел да им послужи како основа за дополнување на изборните програми.
Сè уште не е доцна да направат измени, а ние предизборно ќе направиме велосипедска анализа на програмите и ќе ја споделиме со јавноста.
Будни сме, ќе следиме! Бираме точак за секој ден, но и бираме со точакот!
Нема коментари