Модната куќа на славната дизајнерка Вивиен Вествуд ја лансира првата линија венчаници, наменети за невести – бунтовнички. Креациите се во традиционална бела боја и со класичен викторијански крој, а се делат во две категории. За љубителките на повпечатливи и драматични венчаници, создадена е haute couture колекција. Фустаните од оваа линија се рачно изработени, од лукзуни материјали, збогатени со тантела, мониста, бисери други елементи, а ќе се создаваат само по нарачка на клиентките, со детали и форма по нивна желба. Креациите ќе ја задржат естетиката на Вествуд. Втората линија е со посмирени кроеви, и за девојки што не сакаат театрален невестински фустан. Деновиве беше снимен и lookbook во кој, моделот без шминка и со слободно пуштена фризура, го доловува бунтовничкиот духот на креаторката. Венчаниците се комбинирани со нетипични додатоци, како црни чизми до глужд, чевли на врзување во машки стил, патики и друго.
Нема коментари