Карл Лагерфелд ја прикажа новата колекција на висока мода за париската модна куќа „Шанел“, како и секогаш пропратена со ревија во возбудлива сценографија, овојпат Grand Palais беше трансформирана во голема цветна градина налик на онаа во Версај. Според „Шанел“ сценографијата треба да евоцира формална француска градина.
Цветната градина е пресликата на облеката преку илјадниците навезени цветни апликации. Лагерфелд во couture колекцијата за пролет 2018, прикажа повеќе креации од твид и со нагласени рамења, модерни интерпретации на Шанел-сакоата, но и мноштво на розови фустани. Дизајнерот вели дека во светот во кој доминира грдото, сaкал да прикаже нешто убаво, позитивно и полно со оптимизам.
Цветчиња, пулејќи, свила, тул, пердуви, тантела, органза, твид, нагласени рамења, пастелни тонови, здолништа во облик на лале, мини фустани, вечерни тоалети… се менуваа на пистата, односна по патеките во градината на „Шанел“, славејќи ја женственоста и модерноста, и сè што е убаво.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари