Актерката кај нас популарна по улогата на Пени од телевизиската серија „Бубалици“ вели дека во однос на модата е многу поразлична од ликот што го глуми. „Колку и да го сакам мојот лик, не се согласуваме многу во делот со модата.“ Пени не се истакнува по стилот, за разлика од Куоко која својот дом во Лос Анџелес го прилагодила на плакарите и орманите полни со облека и чевли. Страста на Куоко за чевли, преку „Твитер“ ја откри холивудската фризерка Џен Аткин. Ова ги заинтересира уредниците на интернет магазинот Coveteur кои одлучија да ја посетат и да го фотографираат нејзиниот моден плакар. Или подобро кажано, нејзината модна соба.
Кејли навистина има голема колекција на чевли, таа е толку обемна што може да се нарече музеј на чевли. Признава дека уште кога ја купила својата куќа, знаела дека една од спалните соби ќе ја претвори во гардеробер од соништата, просторија во која ќе ужива додека се подготвува за холивудските настани и во која ќе ги смести сите омилени модни парчиња. „Едно од моите барање до архитектите беше дека сакам да имам можност да ги видам сите мои чевли и чанти“, открива Куоко. Собата со облека ја нарекува „рај во кој смеат да влезат само девојки“. Во неа има голем тоалетно биро кое наликува на комплетен козметички салон, како и апарат за капучино и мал фрижидер полн со пијалаци за освежување. Навистина, рај за Куоко и нејзините пријателки.
Посебна соба со облека и чевли – сон на секоја девојка
Во нејзиниот гардеробер ќе најдете солидна колекција на модни парчиња од „Миу Миу“, чанти од „Шанел“ и многу светкави парчиња. Сака сè што блеска и сјае. Обожава да бира облека за вечерно излегување, особено се радува кога ќе влезе во својот гардеробер и ќе одбере чевли. По моделите на омилениот бренд „Миу Миу“, на второ место се чевлите на Изабел Марант. Преку ден носи рамни чевли, балетанки и сандали. Вели дека на телевизискиот сет на „Бубалици“ понекогаш е многу студено, па често носи чизми.
Во царството на чевлите
Нема коментари