Модниот бренд Зара ја откри својата мошне очекувана колекција креирана во соработка со познатиот италијански дизајнер Стефано Пилати, преку модната кампања во која се појавува самиот дизајнер заедно со познатата супермоделка Жизел Бундхен. Кампањата фотографирана од Стивен Мајзел беше официјално презентирана деновиве на забава во рамките на Париската модна недела.
Впечатливите фотографии ги прикажуваат Стефано Пилати и Жизел Бундхен облечени во клучни парчиња од капсулната колекција Stefano Pilati x Zara, која се карактеризира со безвременска елеганција. Црпејќи инспирација од личниот стил на дизајнерот, парчињата гордо ги поместуваат границите на модерната мода, додека ги предизвикуваат традиционалните кодекси на облекување.
Нема коментари