Протеинскиот леб е сè почесто тема на разговор, особено меѓу оние кои сакаат да ги подобрат резултатите од спортувањето, кои се придржуваат до одреден режим на исхрана или кои едноставно внимаваат на своето здравје. Протеинскиот леб е различен од обичниот пред сè поради составот бидејќи има ниско ниво на шеќери и високо ниво на протеини. Протеинскиот леб може да се препознае и по изгледот затоа што внимателно избраните семиња, не само што го дополнуваат вкусот на лебот, туку и го подобруваат и неговиот нутритивен состав.
Професор доктор Валентина Павлова, нутриционист, вели дека овие семиња во протеинскиот леб се исклучително вредни состојки, бидејќи се заслужни за високото ниво на протеини. Но, истовремено се и извор на омега-3 масни киселини, што значи дека имаат уште позначаен придонес за здравјето и здравата исхрана.
„Протеинскиот леб е корисен за сите кои сакаат да го намалат количеството јаглехидрати преку исхраната, односно да го зголемат нивото на протеини. Тој не само што е добар за спортисти, туку е совршен и за вегетаријанци и вегани, бидејќи потеклото на протеинот е од растително потекло, односно од грав. Протеините се исклучително важни за обновување и изградба на сите ткива во човековиот организам и затоа е важно да се внесуваат секојдневно, нормално во количина соодветна на физичката активност и возраста. Лебот не треба да биде изоставен од исхраната, напротив, нутритивните карактеристики на лебот се важни за здравјето, особено ако е тој со високо ниво на протеини, а со ниско ниво на шеќери како што е Нутри протеинскиот леб од Жито Лукс“, нагласи проф. д-р Павлова.
Нутри протеинскиот леб од Жито Лукс содржи доволно количество протеини за вашето тело да остане енергично и здраво, а организмот сит. Овој леб е погоден за сите кои се грижат за својата фигура, мускулна маса и кои имаат потреба од поголема енергија во текот на целиот ден.
Нема коментари