Тимот на FWSK во маиците на Иван Петрушевски, Емилија Мишева и Ружица Трпковска
Еден ден пред официјалниот почеток на деветтото издание на Моден викенд-Скопје, на неформална средба за новинарите, креативниот тим на манифестацијата ни претстави капсулна колекција на маици со отпечатоци на петтмина македонски илустратори и графички дизајнери кои работеа инспирирани од слоганот „природата не е само зелена“.
Маичките може да се набават во „Концепт 37“ (Дизајн на Ружица Трпковска) Фото: Ани и Дими
Од сезона во сезона FWSK продолжува со проекти кои ги поддржуваат и промовираат младите креативци, овојпат, тоа се Иван Петрушевски, Емилија Мишева, Ружица Трпковска, Јован Петрушевски и Бојан Кртолица кои своето видување за „современата“ природа која не е само зелена , го пренесоа на шест маички од познатиот бренд Fruit of the Loom. Моделите со отпечаток се создадени во лимитирана серија и од денес може да се купат во скопското концептуално кафуле „Концепт 37“.
Дизајн на Јован Петрушевски (Фото: Ани и Дими)
Тимот на Моден викенд-Скопје се залага за зачувување на животната средина и зеленилото, постојано промовира еколошки теми, како на пример онаа главната за сезоната пролет-лето 2014, „Нова природа“ (Next Nature), па за ова издание „Пелистерка“, „Пакомак“ и FWSK одлучија посетителите да конзумираат вода во хартиени чаши.
На Моден викенд ќе пиеме „Пелистерка“ во хартиени чаши (Фото: Ани и Дими)
Ако се земе предвид дека наместо 3.000 пластични шишиња колку што вообичаено се трошат за време на FWSK, сега ќе се употребат хартиени чаши од рециклирани материјали, веруваме ќе биде исполнета целта за подигнување на еколошката свест.
Сајмон Бејкер, Вистински џнтлмен секогаш и секаде (Фото: Ани и Дими)
На денешната средба меѓу новинарите и тимот на Моден викенд-Скопје беше петставен официјалниот парфем на манифестацијата, Gentlemen Only Intense на брендот „Живанши“. Исто така, има мали промени во програмата на FWSK, па модната дизајнерка Александра Митковска моделите од својата етикета Vibrazioni by Aleksandra Mitkovska наменети за сезоната есен-зима 2014/15, наместо со модна ревија ќе претстави со видео инсталација. Датумот и терминот останува ист како во претходно најавениот распоред.
Фото: Ани и Дими
Нема коментари