Со првоаприлски моден маскенбал во клубот „Станица 26″, што ќе се одржи наредниот вторник, со почеток во 22 часот ќе почнат активностите на пролетното издание на Моден викенд-Скопjе. На деветтото издание, кое ќе се одржи од 1 до 6 април на неколку локации во Скопjе, своите нови колекции и модни проекти ќе ги претстават 20-тина домашни дизајнери.
Првата модна презентација оваа сезона ќе ја одржи тимот на брендот Hard to explain (Катерина Попева u Мариjа Дацевска), на 2 април (среда) пред своето ателjе во Старата скопска чаршиjа во 20 часот. Наредниот ден во истиот термин е закажана ревијата на модната куќа „Елена Лука“ во Музејот на ВМРО.
Ирина Тошева ќе одржи ревија на 4 април во „Ауди-Порше Македониjа“
Во петокот (4 април) ревиите се селат во салонот „Ауди-Порше Македониjа”. Вечерта ќе почне со групната презентација на стyдентите од Факултетот за арт и дизаjн на Европскиот универзитет во Скопjе. Во 19 часот следува ревијата на победниците на проектот „Поп! Мода“, организиран во соработка со Амбасадата на САД во Македониjа и Текстилен кластер-Македониjа на минатогодишното пролетно издание на FWSK, Виктор Цветановски, Ана Камчева и Алмир Мили. Тие овоjпат ќе претстават капсулни колекции. По нив, во 20 часот е ревијата на Ирина Тошева, а еден час подоцна ќе може да се погледнат новите колекции на Стефаниjа Насеска, Марjана Руjаноска, Сhiс Undercowear на Бобан Илиевски и Никола Петровски.
Мила Кадриу ќе ја престави новата колекција на моден бранч во градина
На 5 април љубителите на модата ќе може да присуствуваат на едно поинакво модно доживување во режија на модната куќа Mcouture by Mila Kadriu. Со почеток во 12.30 во Хорти експерт гарден центар ќе одржи моден бранч на кој ќе ja прикаже наjновата колекциjата. Неколку часа подоцна, во 18.30 Модниот викенд продолжува во „Ауди- Порше Македониjа” каде што ќе се случи презентацијата на New Man’s Business Accelerator Brand Id. Гостите во 19 часот ќе ги погледнат деби-ревиите на Оливера Штакоска, и на Ивана Јованоска, а во 20.30 е најавена Јасмина Дракул. По еден час пауза е ревијата на Елена Спасовска. Вечерта ќе ја заокрушат Јелкица и Виолета Поповски со моден перформанс.
На 6 април (недела) во 18.30 часот е ревијата на Роберт Ивановски, а 15 минути подоцна почнува шоуто на Vibrazioni by Aleksandra Mitkovska. Во 19.45 е ревијата на познатата креаторка Лидија Георгиева. Делот со ревии на домашни дизајнери ќе го затвори промоцијата на наjновата колекциjа на Росица Мршиќ.
Росица Мршиќ ќе го затвори делот со ревии на домашни дизајнери
Новитет на ова издание на Моден викенд-Скопjе е шоурумот во концептуалното кафуле „Концепт 37″, каде што веднаш по ревиите, колекциите на дизаjнерите и модните куќи ќе бидат достапни за купувачите во текот на целиот ден потоа. Моден викенд-Скопjе го прави ова со цел македонските дизаjнерски имиња да им ги доближи повеќе на домашните љубители на модата-велат организаторите. Овие дружби ќе се одржат од 4 до 6 април, со пошеток во 22.30 часот.
Традиционално, по завршување на авторскиот, официјален дел на FWSK модните случучувања продолжуваат со ревиите во ТЦ „Скопје сити мол“. Од 8 до 10 април во терминот од 18 до 21 часот ќе се одржи маратонот Fashion and Мusic, на кој ќе може да се погледнат новите колекции на повеќе брендови од „Скопје сити мол“.
Нема коментари