По примерот на светските дизајнери и модни куќи, младата македонска креаторка Ирина Тошева реализира промотивно видео за својата нова есен-зима 2013/14 колекција, „ Мементо Мори“.
Клипот изработен од Сергеј Георгиев и Бојан Секуловски се фокусира на фотосесијата што Тошева ја направи со фотографот Горан В. Поповски. Пред неговиот фотообјектив позираат моделите Ана Ежова, Ангелина Китановска, Христина Шекерова и Марко Аврамоски.
Memento Mori by Irina Tosheva – The Backstage Story from Irina Tosheva on Vimeo.
За нивниот стајлинг се погрижија Виктор Мирчевски (шминка) и фризерското студио Allure. Кадрите се снимани на неколку локации во Скопје и одлично се вклопуваат со приказната на колекцијата, која премиерно беше претставена на неодамна одражниот Моден викенд-Скопје. Младешката колекција, во која Тошева ја скротила бунтовноста и панк-имиџот и симболите на андерграундот ги претставила во романтично издание. Во линијата доминираат сива, црна и розова боја. На блузоните и кошулите има принтови со костурски главии рози. Kолекцијата е трендовска и лесно приспособлива за секојдневен и вечерен изглед.
Еден од најважните сегменти на ревијата и на видеото е музиката потпишана од скопскиот рок-бенд „Фулиш грин“. Наклипот искористена е нумерата Magnum44 од албумот Escape, што групата го објави годинава.
Нема коментари