Пејачката Алиша Кис деновиве напиша моќна колумна за сајтот Lenny, проект на актерката Лина Денам, во која зборува за тоа како ги надминала несигурностите и ги прифатила несовршеностите кои всушност нè прават совршени. Таа пишува дека научила да ги издвои општествените стандарди за убавина за да овозможи да блесне нејзиното вистинско ЈАС. Во моментот додека го промовира новиот албум Алиша одлучи да примени природен изглед, без шминка, со бестрашно откривање на пегите, а нешто што е свесна одлука, инспирирана од и против притисок што жените го чувствуваат секојдневно да бидат совршени.
„Уморна сум со тоа колку на жените постојано им се суди. Пред да почнам да го правам новиот албум, напишав една листа со сите работи од кои ми е смачено. И една од работите беше колку на жените им го испрале мозокот да бидат слаби, секси, посакувани и совршени“, пишува Алиша и признава дека во еден период од животот верувала дека не е доволно добра и постојано се чувствувала несугурно и површно. Мислела дека за да се вклопи и да се смета за убава, требало да се покрие со шминка за да биде поблиску до совршенство.
Пејачката вели дека повеќе не сака да се покрива и во серија фотографии на Паола Кудаки се појавува без шминка. „Само што се вратив од вежбање и имав марама на главата и Паола ми рече дека сака да ме фотографира токму тогаш. Ми рече дека мојата музика е сирова и реална, и дека и фотографиите треба да бидат такви“, вели Алиша која фотографиите ги искористи за промовирање на синглот In Common.
Деновиве Алиша се појави и на насловната на Flaunt токму ненашминката. Вели дека новиот изглед ја прави најмоќна, најсилна, пајслободна и најискрено убава како што никогаш претходно не се чувствувала. (K.T.)
Нема коментари