Врвот на сезоната на филмски награди е доделувањето на „Оскарите“ и во однос на модата избор на ѕвездите за на црвен килим. Покрај наградените филмови, фокусот е и на модата, кој што облекол и кој ќе биде „награден“ со титулата најдобро облечен, а кој ќе биде прогласен за личност со најлош стил. Вчерашниот црвен килим пред Долби татарот во Лос Анџелес донесе серија на бели и црвени тоалети, но и креации во скоро сите други бои, едноставни кроеви и притаен гламур наместо раскошни тоалети, доволна доза на светкави такаени наместо на претерана употреба на шљокици, ненападен накит и бисери аплицирани на облеката, се разбира и неколку сосема откачени изгледи (да, Лејди Гага, ти го освои првото место во оваа категорија), но за жал, многу малку инвентивни изгледи, фустани и стајлинзи што ќе го одземат здивот на прв поглед.
Џулиен Мур и Патриша Аркет
Да почнеме од наградените Џулиен Мур и Патриша Аркет. Џулиен носеше бел светкав фустан со сирена крој и со апликации на цветови, креација од колекција на висока мода од „Шанел“, и иако изгледаше прекрасно и сосема коректно, во минатиов период имаше многу подобри модни комбинации за на црвен килим. Аркет избра црно-бел фустан, креација на нејзината пријателка Розета Гети, и за разлика од Мур, изгледаше многу подобро од претходните изданија од минатите месеци.
Марион Котијар во фустан од висока мода на „Диор“
Гвинет Палтроу, Риз Витерспун и Лупита Нионго
Бели или црно-бели фустани избраа и Марион Котијар (бела тоалета од висока мода на „Диор“ со црна лента под задникот), Риз Витерспун (бел сирена фустан со црни ленти од Том Форд) и Лупита Нионго (бел и украсен со бисери од Келвин Клајн). Лејди Гага привлече внимание со фустан од Азедин Алаја, специјално креиран за пејачката за овој настан на кој се работело повеќе од два месеца, а со стајлингот дополнет со црвени ракавици, повеќе претставуваше уметнички став, отколку оскаровски изглед.
Лејди Гага во креација на Азедин Алаја
Креации во светли тонови и со светкави ткаенини видовме кај Гвинет Палтроу (розов фустан со детаљ на 3Д цвет на рамото од Ралф и Русо), Никол Кидман (светкав и со црвен појас) и Џенифер Анистон (светкав и припиен фустан во бежова нијанса). Најраскошно изгледаше Џенифер Лопез во фустан од светол тул од Ели Саб.
Ема Стоун, Џенифер Анистон и Никол Кидман
Џенифер Лопез во фустан од Ели Саб
Позитивни примери на убаво обечени беа британската актерка Кира Најтли која носеше етеричен и поетичен фустан од висока мода на „Валентино“, потоа Наоми Вотс во сребрно-црн модел од Армани Приве, а во црно беа облечени Сиена Милер која носеше креација од Оскар де ла Рента и Марго Роби во модел од „Сен Лоран“ кој е нетипичен избор за оскаровска вечер.
Кира Најтли, Сиена Милер, Наоми Вотс и Марго Роби
Дел од актерките избраа интензивни бои на фустани. Номинираната актерка Розамунд Пајк изгледаше одлично во црвен припиен фустан со тантела од „Живанши“, а во тој тоналитет беа и Дакота Џонсон, Бехати Принслу и Софи Хантер.
Розамунд Пајк во црвен фустан од „Живанши“
Бехати Принслу со Адам Левин, Дакота Џонсон и Софи Хантер со сопругот Бенедикт Камбербач
Кејт Бланшет се појави во црн фустан, креација на Џон Галијано за последната колекција на Maison Margiela, стилизиран со впечатлив тиркизен ѓердан од „Тифани“. Темни фустани избраа и Рита Ора и Чесика Частеин.
Кејт Бланшет
Рита Ора и Џесика Частеин
Меѓу машките ѕвезди, наспроти вообичаените темни фракови, како на пример оние од „Прада“ на Итан Хоук и Комон, или тегет костумот на Еди Редмејн, видовме и неколку необични комбинации. Оскаровец Ј.К. Симонс надвор од правилата носеше шапка на црвениот килим, Дејвид Ојелово избраа темно црвен костум, а Џаред Лето се појави во фрак во боја на лаванда и нетипични бели чевли.
Еди Редмејн, Итан Хоук и Комон
Дејвид Ојелово и Џаред Лето
За жал, вечерта видовме доста модни утки или несоодбетни комбинации. Скарлет Јохансон тотално разочара со изгледот во овој зелен фустан од „Версаче“, Фелисити Џонс носеше криноленеста и малку гломазна тоалета од Александар Меквин во која актерката како да се изгуби, а Соланж избра фустан без конкретна форма и со ролка.
Фелисити Џонс, Скарлет Јохансон и Соланж
Нема коментари