Деловниот фустан секогаш е спој на класика соодветна за во канцеларија и актуелни трендови кои го зачинуваат личниот стил. Умешноста е да се балансира класиката и трендот на вистински начин, и во исто време да се следи бизнис дрескодот. Добри опции за деловен фустан се моделите со рамен крој, нагласен струк и миди должина, како и фустаните на преклоп.
Кога бирате деловна облека, конкретно деловен фустан, важно е да соодејствува со вашиот личен стил, но и со кодовите на бизнис стилот и на правилата за облекување на вашето работно место. Фустанот е најженствената опција за изглед во канцеларија, кога бирате деловен фустан треба да внимавате на неколку работи – должината, деколтето, ракавите, дали кројот ви одговара и на крајот бојата и шарата.
Во однос на должината, тоа е првата работа што се забележува и таа не треба да биде многу куса. Најкусата „дозволена“ должина е нешто над колена, иако најидеално е кога фустанот е со миди должина (некаде до средната на листот од ногата). Со оваа должина лесно ќе станувате, седнувате и качувате по скали, без да откриете премногу. Кратките, скоро мини фустани изледаат невкусно, без разлика на тоа колку е лежерен деловниот дрескод.
Фустаните во делот на деколтето треба да бидат скорени поскромно, односно да не го откриваат премногу деколтето, најдобро е да имаат среден отвор. Длабоките деколтеа и В-изрази имаат вулгарен тон во канцеларија и одговараат за некои други пригоди. Во есенско-зимските месеци полесно се справуваме со овој дел, бидејќи за да се заштитиме од ладното, носиме позатворени фустани.
Обично на работните места со построг дрескод и на конференциски состаноци се избегнува облеката со кратки ракави, затоа е подобро да се одлучите за долги или тричетврт ракави. Тричетврт ракавот – односно ракав кој е некаде помеѓу вашиот зглоб и лактот, е најшик опција и се смета дека оваа е најласкавата должина на ракав.
Облеката која е скроена како по мерка е уште еден важен дел за успешен бизнис имиџ. Нема ништо полошо од претесна или преширока деловна облека во која ќе изгледате несоодветно и неуредно. Бирајте добро скроени фустани, модели кои одгвараат на вашата градба и ја дефинираат половината, важно е да се во вашиот вистински конфекциски број и ако е тешко да најдете точен модел во продавница, сошијте го по мерка.
Во однос на боите и дезените, овде до израз доаѓа личниот стил. Нема да погрешите со еднобоен модел во боја која одговара на вашиот тен. Но тоа треба да е некоја премногу интензивна или флоресцентна нијанса, класика се моделите во црна, сива, беж, тегет, црвена, бордо, како и во посмирените нијанси. Боите ги бираме според сезоната, во есен и зима тоа се потемни тонови. Не треба да ги избегнувате дезените, но и не треба да претерате – смирени шари како поситни цветни мотиви, строги пруги, пепито дезен, нежно каро ќе ја разбијат монотонијата на еднобојната облека.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари