Кога станува збор за совети за кариера сакаме да ги чуеме од успешни дами како Ана Винтур од Vogue, Џена Лајонс од J.Crew или во случајов од Ализа Лихт, директор на односи со јавност во компанијата на Дона Каран. Лихт своевремено стана позната по брилијантните постови на својот духовит профил на „Твитер“ (@DKNY PR GIRL), сега ја подготвува книга „Оставете печат“ која ќе биде полна со инсајдерски совети од типот како да ја добиете работата од вашите соништа и како да бидете успешни на социјални медиуми. Додека не се испечати книгата, еве неколку нејзини совети за канцелариско облекување.
Грешка: Облекување за вечерно излегување
„Не се облекувајте како за во ноќен клуб. Вие сте на работа од 9 часот наутро, па зошто тогаш си мислите дека микро мини здолнипште и блуза со тенки прерамки се добар избор!?“
Решение: Одете nа сигурно со соодветна должина и силуета.
Грешка: Окриено деколте
„Не сте Мерилин Монро, па дури и нејзиното деколте не би функционирало во канцеларија. Покажувањето на деколте го одвлекува вниманието, испраќа погрешна порака и е предмет на канцелариските озборување. Деколтето покажете го на плажа.“
Решение: Закопчајте ја кошулата!
Грешка: Прескокнување на утринското туширање
„Никако со валкана коса. Океј, разбирам дека не е моден совет, ама погрешен бјути-изглед и недостаток на хигиена се нештата што може да го уништат секој добро смислен аутфит. Коса со порака „баш ми е гајле“ кај луѓето (првенствено шефот) може да биде преведено како „баш ми е гајле за работата и за другите важни работи.“
Решение: Ако немате време за миење коса, ставете сув шампон или едноставно фатете ја косата во коњско репче.
Грешка 4: Градник што се гледа
„Како и секоја жена, многу сакам убав градник со тантела, ама добрата долна облека треба да биде тајна. На долната облека што се гледа не ѝ е местото во канцеларија. Ако не ви е јасно, повторно прочитајте ја втората ставка“.
Решение: Облечете беж маичка под проѕирните блузи.
Грешка: Погрешен стил во однос на пригодата
„Облекувајте се според природата на професијата. Ако сакате да облечете некој несоодветен изглед што сте го виделе на модна писта за во судница или конференција, нема проблем… Ама не заборавајте дека првиот впечаток го оставате уште пред да отворите уста.“
Решение: Наместо да се облечете како за на модна писта, запрашајте се дали вашата шефица би го облекла истото.
Грешка: Истуткана облека
„Научете да го сакате пеглањето. Јас го мразам, ама уште повеќе мразам истуткана облека. Па затоа додека не измислат ботокс за облека, пеглата во рака!“
Решение: Инвестирајте во „стимер“.
Нема коментари