Дизајнерски микс на второто издание на Super Design Pop-Up Store

Од stylist @StylistMKD · На мај 11, 2015

Викендов во галеријата на Младинскиот културен центар се одржа второто издание на Super Design Pop-Up Store во организација на Драган Христов од концептуалниот бренд „Лудус“, кое на едно место собра 20-тина брендови за облека, модни додатоци, мебел и храна. Посетителите имаа можност да се информираат, да пробаат и да купат креации од Ludus, Hard To Explain, Мелани Димитровска, „Линија“, Јелкица Поповска, Acid Wear, Mariguccha Le Brand, Vibrazioni на Александра Митковска, „Куфер“, потоа маиците на Pargo by Katarina Ivanovska и Martin Matinèe. Со накит и модни додатоци се претставија Андреј Бартлинг, Ани Соро, „Гоблен“, Mikka, Биби Каровска, а тука беа и Lotus Lounge Chair, брендот за редизајн на стар мебел „Спин“, а гостите можеа да ја вкусат и храната на Yum Food.

Деновиве можеби не беа адекватни за мода, со оглед на актулените случувања во државата, но сепак дојдоа посетители кои се вистински вљубеници на дизајнот и уметноста, па сите тие заедно со изложувачите се обидуваа да внесат позитивни вибрации на настанот. Stylist.mk и на ова издание на Super Design Pop-Up Store имаше свој консултантски и стилистички агол преку кој се обидовме да прикажеме избор на домашен дизајн и да ја ислустрираме можноста да се комбинираат различни модни парчиња од домашните автори.

Црно-бел фустан – Mariguccha/ Црн фустан со рачно насликани мотиви – „Линија“/ Краток фустан – „Лудус“

Фустан – Acid Wear; марама – Биби Каровска/ Фустан и сандали – Hard To Explain; ѓердан – Ано Соро/ Здолниште и маица – Јелкица Поповска; ѓердан – Mikka Design

Фустан – Mariguccha; чанта – Mikka Design/ Панталони – Mariguccha; маица – „Линија“; ѓердан Ани Соро/ Здолниште – Лудус; маица – Pargo By Katarina Ivanovska; горен дел – Мелани Димитровска