Еден од најпродаваните и омилени американски брендови Clinique ги одушевува македонските клиенти со својот квалитет, историја и концепт, а деновиве имавме можност да ги запознаеме и новите производи благодарение на едукативната средба со харизматичната Глорија Мапилеле Тодоровиќ, професионалниот тренинг едукатор на Clinique за регионот. Таа од Загреб допатува во Скопје и во Парк Хотел ни ги претстави мицеларниот гел за чистење, новиот адут на Clinique во форма на третман со чист витамин Ц, а први во регионот ја запознавме и пробавме маската во пена од линијата Pep-Start.
Глорија ја почна приказната за Clinique од самиот почеток – Американски Vogue, 1967 година, интервју на тогашната уредничка за убавина Керол Филипс со њујоршкиот дерматолог Норман Орентрајх и натпис кој сугерира дека не е клучна само генетиката, туку состојбата на кожата може да се менува со вистинска нега. За првпат се потенцираат мислења на дерматолог за нега на кожа и за ексфолиација, и за тоа дека не треба да се „задоволиме“ со кожата со која сме се родиле, туку одличен тен може да постигне со 3 едноставни чекори за чистење на кожата, со употреба на заштита од сонцето и со здрав животен стил. По текстот во Vogue Леонард Лодер од козметичката куќа Estee Lauder и неговта снаа Евелин Лодер ѝ пристапиле на Филипс со идеја да се развие нова козметичка линија, поинаква од сè друго што тогаш постоело на пазарот и која ќе се темели на дерматолошки пристап. Ќе биде без мирис, тестирана против алергии за да одговвара и на најчувствителната кожа, и ќе создава производи кои се персонализирани за различен тип на кожа. Се раѓа Clinique, што во името го крие зборот чисто, но спелуван во француска интерпретација.
Брендот веќе следната година го претставува легендарниот 3-Step Skin Care System, нега која што се состои од 3 чекори – чистење, ексфолирање и хидрирање. Наменет е за сите типови на кожа, возрасти и раси, а овој дерматолошки систем на чистење, пилинг и хидрирање денес сите го употребување како дел од нашата секојденвна рутина на нега на кожата на лицето. Со текот на годините овој систем еволуирал во подобрени прозиводи, а Clinique постојано претставува нови колекции и линии не само во делот на машка и женска нега, туку и декоративна козметика. Последниве години со цел да се обрати на помладата, милениумската генерација, ја создаде линијата Pep-Start, серија на производи спакувано во интензивни бои.
Токму од оваа линија доаѓа и новиот производ – Clinique Pep-Start Double Bubble Purifying Mask. Станува збор за маска за лице која се претвора во пена и имавме можност први во регионот да ја испробаме. Истовремено чисти и освежува, има текстура на гел, а по нанесувањето во рок од две минути се претвора во пена со меурчиња. Ја пробав и до домашна атмосфера и навистина е брза и ефикасна. Еве како се користи: добро се протресува, се нанесува на чисто и суво лице (избегнете го делот околу очите), розовиот гел ќе се трансформира во пена со меурчиња, почекајте додека целосно не се трансформира во пена, околу две минути, за тоа време ја чисти кожата од површинската маснотија и нечистотија, а потоа остранете ја и измијте го лицето со топла вода. Може да употребува 2-3 пати неделно, дури и неколку минути пред да почнете да се шминкате. Брзо се постигнува ефект, за разлика од останатите маски кои треба подолго време да се чуваат на лицето. Оваа маска многу скоро ќе ја најдете во парфимериите на Anabella.
Clinique има уште еден нов иновативен производ кој Глорија ни го претстави – Clinique Fresh Pressed Daily Booster со чист Витамин Ц C 10%, единствен „бустер“ кој обезбедува драматични резултати со сите знаци на стареење. Има необично пакување, се потресува и се истиснува за да се ослободи чист Витамин Ц и да се спои со смирувачката емулзија, и може да се користи. Како дневен третман доволно е 2 капки да се помешате со вашиот дневен крем, а резултатите се видливи после седум дена – ќе добиете изедначена и мазна кожа. Витаминот Ц се смета за моќен витамин за подмладување на кожата, ги спречува и успорува знаците на стареење, го забрзува процесот на регенерација, ја намалува и сузбива хиперпигментацијата, но е деликатен за користење на кожа и може да создаде иритација, па Clinique го создаде овој иновативен „бустер“ кој обезбедува сигурно користење на витаминот.
Ако користите мицеларна вода за чистење на лицето, следниов новитет на Clinique уште повеќе ќе ви се допадне – 2-in-1 Cleansing Micellar Gel + Light Makeup Remover. Со ова се најавува новата генерација на мицеларни производи, а еве што нуди овој на Clinique: отстранување на шминката и нечистотијата со едноставен чекор, гелот се нанесува на цело лице, со лесни движења се отранува шминката и маснотијата, а не се измива, туку се отстранува со памук или мека крпа.
Производите може да ги најдете во парфимериите на Anabella ширум Македонија, а препорачуваме уште неколку производи – новата маскара High Impact со ефект а ги поддигне трепките и пудрата Even Better Glow Light Reflecting Makeup SPF15.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари