Студентите од Институтот за дизајн и инженеринг на облека при Технолошко-металуршкиот факултет во Скопје неодамна ги претставија своите креации на јубилејната 20. студентска модна ревија насловена „Вортекс импресии“.
Под менторство на професорката и модна дизајнерка Лидија Георгиева, студентите за годинешната студентска ревија твореа под инспирација на творештвото на еден од најголемите импресионисти, францускиот сликар Клод Моне, создавајќи спој на модата и уметноста.
Професорката и модна дизајнерка Лидија Георгиева и водителот на настанот Огнен Јанески
-Минлив како зајдисонце што трае само еден миг, вртлогот е точка на максималната енергија. Во овој енергетски простор се спојуваат желбите, мислите и позитивните вибрации со универзумот. Истовремено, оваа флуидна маса го опишува хаосот од информации кои нѐ бомабардираат секојдневно од светот денес. Се соочуваме истовремено со премногу надворешни дразби, мисли, чувства, без да имаме време да ги процесираме. Наместо пасивно да го посматраме тоа сетилно преоптоварување во овие вортекс центри, со стремеж кон хармонија ја бараме суптилната енергија која се подига од земјата кон небото, добиваме импресии и активно креираме.
Годинава, после 100 години од заминувањето на еден од најголемите импресионисти, францускиот уметник Клод Моне, приказната не е завршена, таа продолжува со нови импресии, во чекор со новите технологии – стои во описот на ревијата.
По повод јубилејната студенстна ревија, деканот на ТМФ Игор Јорданов додели неколку плакети – како признанија за работата на модната програма на Соња Ќортошева и Зорка Тодорова Младеновиќ, поранешни професорки на факултетот, како и на актуелната професорка Лидија Георгиева. Плакети беа доделени и на Рорари Клуб Скопје Центар (за значајната поддршка при издавањето на книгата „Историјата на модата“ од Зорка Тодорова Младеновиќ која ќе биде бесплатно достапно за студентите по моден дизајн), како и на Пивара Скопје за создавањето на „Факултетско пиво“, заеднички проект на Пивара и студентите на ТМФ.
Студенстките креации ги носеа манакенките од Модната агенција Подиум и Модно студио Црнокрак.
Нема коментари